آقا کریم علیہ الصّلوٰۃ والسّلام کے ناخن مبارک سے حصولِ برکت

حضور نبی اکرم صلی اللہ علیہ وآلہ وسلم نے ایک دفعہ منیٰ میں حضرت عبداﷲ بن زید کو اپنے موئے مبارک اور ناخن کٹوا کر عطا فرمائے جن کو انہوں نے بطورِ تبرک سنبھال کر رکھا۔ ان کے صاحبزادے حضرت محمد اپنے والد سے روایت کرتے ہیں :

فَحَلَقَ رَسُوْلُ اﷲِ صلي الله عليه وآله وسلم رَأسَهُ فِي ثَوْبِهِ فَأَعْطَاهُ فَقَسَمَ مِنْهُ عَلَي رِجَالٍ وَ قَلَّمَ أَظْفَارَهُ فَأَعْطَاهُ صَاحِبَهُ.

’’حضور نبی اکرم صلی اللہ علیہ وآلہ وسلم نے اپنی چادر میں اپنا سر اقدس منڈوایا اور بال انہیں عطا کر دیئے جس میں سے کچھ انہوں نے لوگوں میں تقسیم کردیئے پھر آپ صلی اللہ علیہ وآلہ وسلم نے ناخن مبارک کٹوائے اور وہ انہیں اور ان کے ساتھی کو عطا کر دیئے۔‘‘

1. أحمد بن حنبل، المسند، 4 : 42
2. حاکم، المستدرک، 1 : 648، رقم : 1744

امام ہیثمی نے مجمع الزوائد، (4 : 19) میں لکھا ہے کہ اس حدیث کے تمام راوی صحیح ہیں۔

3. شوکاني، نيل الأوطار، 1 : 69