نبی کریم صلی اللہ علیہ و آلہ و صحبہ وسلّم نے ایک صبح دجال کا ذکر کیا

نبی کریم صلی اللہ علیہ و آلہ و صحبہ وسلّم نے ایک صبح دجال کا ذکر کیا

حدثنا علي بن حجر، اخبرنا الوليد بن مسلم، وعبد الله بن عبد الرحمن بن يزيد بن جابر، دخل حديث احدهما في حديث الآخر، ‏‏‏‏‏‏عن عبد الرحمن بن يزيد بن جابر، عن يحيى بن جابر الطائي، عن عبد الرحمن بن جبير، عن ابيه جبير بن نفير، عن النواس بن سمعان الكلابي، قال:‏‏‏‏ ذكر رسول الله صلى الله عليه وسلم الدجال ذات غداة فخفض فيه ورفع حتى ظنناه في طائفة النخل، ‏‏‏‏‏‏قال:‏‏‏‏ فانصرفنا من عند رسول الله صلى الله عليه وسلم، ‏‏‏‏‏‏ثم رجعنا إليه فعرف ذلك فينا، ‏‏‏‏‏‏فقال:‏‏‏‏ " ما شانكم؟ " قال:‏‏‏‏ قلنا:‏‏‏‏ يا رسول الله، ‏‏‏‏‏‏ذكرت الدجال الغداة فخفضت فيه ورفعت حتى ظنناه في طائفة النخل، ‏‏‏‏‏‏قال:‏‏‏‏ " غير الدجال اخوف لي عليكم إن يخرج وانا فيكم فانا حجيجه دونكم، ‏‏‏‏‏‏وإن يخرج ولست فيكم فامرؤ حجيج نفسه والله خليفتي على كل مسلم، ‏‏‏‏‏‏إنه شاب قطط عينه طافئة، ‏‏‏‏‏‏شبيه بعبد العزى بن قطن، ‏‏‏‏‏‏فمن رآه منكم فليقرا فواتح سورة اصحاب الكهف، ‏‏‏‏‏‏قال:‏‏‏‏ يخرج ما بين الشام والعراق، ‏‏‏‏‏‏فعاث يمينا وشمالا، ‏‏‏‏‏‏يا عباد الله، ‏‏‏‏‏‏اثبتوا "، ‏‏‏‏‏‏قال:‏‏‏‏ قلنا:‏‏‏‏ يا رسول الله، ‏‏‏‏‏‏وما لبثه في الارض؟ قال:‏‏‏‏ " اربعين يوما، ‏‏‏‏‏‏يوم كسنة، ‏‏‏‏‏‏ويوم كشهر، ‏‏‏‏‏‏ويوم كجمعة، ‏‏‏‏‏‏وسائر ايامه كايامكم "، ‏‏‏‏‏‏قال:‏‏‏‏ قلنا:‏‏‏‏ يا رسول الله، ‏‏‏‏‏‏ارايت اليوم الذي كالسنة اتكفينا فيه صلاة يوم؟ قال:‏‏‏‏ " لا، ‏‏‏‏‏‏ولكن اقدروا له "، ‏‏‏‏‏‏قال:‏‏‏‏ قلنا:‏‏‏‏ يا رسول الله، ‏‏‏‏‏‏فما سرعته في الارض؟ قال:‏‏‏‏ " كالغيث استدبرته الريح، ‏‏‏‏‏‏فياتي القوم فيدعوهم فيكذبونه ويردون عليه قوله فينصرف عنهم، ‏‏‏‏‏‏فتتبعه اموالهم ويصبحون ليس بايديهم شيء، ‏‏‏‏‏‏ثم ياتي القوم فيدعوهم فيستجيبون له ويصدقونه، ‏‏‏‏‏‏فيامر السماء ان تمطر فتمطر، ‏‏‏‏‏‏ويامر الارض ان تنبت فتنبت، ‏‏‏‏‏‏فتروح عليهم سارحتهم كاطول ما كانت ذرى وامده خواصر وادره ضروعا، ‏‏‏‏‏‏قال:‏‏‏‏ ثم ياتي الخربة، ‏‏‏‏‏‏فيقول:‏‏‏‏ لها اخرجي كنوزك، ‏‏‏‏‏‏فينصرف منها فتتبعه كيعاسيب النحل، ‏‏‏‏‏‏ثم يدعو رجلا شابا ممتلئا شبابا فيضربه بالسيف فيقطعه جزلتين، ‏‏‏‏‏‏ثم يدعوه فيقبل يتهلل وجهه يضحك فبينما هو كذلك، ‏‏‏‏‏‏إذ هبط عيسى ابن مريم عليه السلام بشرقي دمشق عند المنارة البيضاء بين مهرودتين، ‏‏‏‏‏‏واضعا يديه على اجنحة ملكين إذا طاطا راسه قطر، ‏‏‏‏‏‏وإذا رفعه تحدر منه جمان كاللؤلؤ، ‏‏‏‏‏‏قال:‏‏‏‏ ولا يجد ريح نفسه يعني احدا إلا مات وريح نفسه منتهى بصره، ‏‏‏‏‏‏قال:‏‏‏‏ فيطلبه حتى يدركه بباب لد فيقتله، ‏‏‏‏‏‏قال:‏‏‏‏ فيلبث كذلك ما شاء الله، ‏‏‏‏‏‏قال:‏‏‏‏ ثم يوحي الله إليه ان حرز عبادي إلى الطور، ‏‏‏‏‏‏فإني قد انزلت عبادا لي لا يدان لاحد بقتالهم، ‏‏‏‏‏‏قال:‏‏‏‏ ويبعث الله ياجوج وماجوج، ‏‏‏‏‏‏وهم كما قال الله:‏‏‏‏ من كل حدب ينسلون سورة الانبياء آية 96، ‏‏‏‏‏‏قال:‏‏‏‏ فيمر اولهم ببحيرة الطبرية فيشرب ما فيها، ‏‏‏‏‏‏ثم يمر بها آخرهم، ‏‏‏‏‏‏فيقول:‏‏‏‏ لقد كان بهذه مرة ماء ثم يسيرون حتى ينتهوا إلى جبل بيت المقدس، ‏‏‏‏‏‏فيقولون:‏‏‏‏ لقد قتلنا من في الارض هلم، ‏‏‏‏‏‏فلنقتل من في السماء فيرمون بنشابهم إلى السماء، ‏‏‏‏‏‏فيرد الله عليهم نشابهم محمرا دما، ‏‏‏‏‏‏ويحاصر عيسى ابن مريم واصحابه، ‏‏‏‏‏‏حتى يكون راس الثور يومئذ خيرا لاحدهم من مائة دينار لاحدكم اليوم، ‏‏‏‏‏‏قال:‏‏‏‏ فيرغب عيسى ابن مريم إلى الله واصحابه، ‏‏‏‏‏‏قال:‏‏‏‏ فيرسل الله إليهم النغف في رقابهم فيصبحون فرسى موتى كموت نفس واحدة، ‏‏‏‏‏‏قال:‏‏‏‏ ويهبط عيسى واصحابه، ‏‏‏‏‏‏فلا يجد موضع شبر إلا وقد ملاته زهمتهم ونتنهم ودماؤهم، ‏‏‏‏‏‏قال:‏‏‏‏ فيرغب عيسى إلى الله واصحابه، ‏‏‏‏‏‏قال:‏‏‏‏ فيرسل الله عليهم طيرا كاعناق البخت، ‏‏‏‏‏‏قال:‏‏‏‏ فتحملهم، ‏‏‏‏‏‏فتطرحهم بالمهبل، ‏‏‏‏‏‏ويستوقد المسلمون من قسيهم ونشابهم وجعابهم سبع سنين، ‏‏‏‏‏‏قال:‏‏‏‏ ويرسل الله عليهم مطرا لا يكن منه بيت وبر ولا مدر، ‏‏‏‏‏‏قال:‏‏‏‏ فيغسل الارض فيتركها كالزلفة، ‏‏‏‏‏‏قال:‏‏‏‏ ثم يقال للارض:‏‏‏‏ اخرجي ثمرتك وردي بركتك، ‏‏‏‏‏‏فيومئذ تاكل العصابة من الرمانة، ‏‏‏‏‏‏ويستظلون بقحفها، ‏‏‏‏‏‏ويبارك في الرسل، ‏‏‏‏‏‏حتى إن الفئام من الناس ليكتفون باللقحة من الإبل، ‏‏‏‏‏‏وإن القبيلة ليكتفون باللقحة من البقر، ‏‏‏‏‏‏وإن الفخذ ليكتفون باللقحة من الغنم، ‏‏‏‏‏‏فبينما هم كذلك إذ بعث الله ريحا فقبضت روح كل مؤمن، ‏‏‏‏‏‏ويبقى سائر الناس يتهارجون كما تتهارج الحمر فعليهم تقوم الساعة "، ‏‏‏‏‏‏قال ابو عيسى:‏‏‏‏ هذا حديث حسن صحيح غريب، ‏‏‏‏‏‏لا نعرفه إلا من حديث عبد الرحمن بن يزيد بن جابر.

ترجمہ : حضرت نواس بن سمعان کلابی رضی الله عنہ کہتے ہیں کہ رسول اللہ صلی اللہ علیہ وسلم نے ایک صبح دجال کا ذکر کیا، تو آپ نے (اس کی حقارت اور اس کے فتنے کی سنگینی بیان کرتے ہوئے دوران گفتگو) آواز کو بلند اور پست کیا حتیٰ کہ ہم نے گمان کیا کہ وہ (مدینہ کی) کھجوروں کے جھنڈ میں ہے، پھر ہم رسول اللہ صلی اللہ علیہ وسلم کے پاس سے واپس آ گئے، (جب بعد میں) پھر آپ کے پاس گئے تو آپ نے ہم پر دجال کے خوف کا اثر جان لیا اور فرمایا: ”کیا معاملہ ہے؟“ ہم نے عرض کیا: اللہ کے رسول! آپ نے صبح دجال کا ذکر کرتے ہوئے (اس کی حقارت اور سنگینی بیان کرتے ہوئے) اپنی آواز کو بلند اور پست کیا یہاں تک کہ ہمیں گمان ہونے لگا کہ وہ کھجوروں کے درمیان ہے۔ آپ نے فرمایا: ”دجال کے علاوہ دوسری چیزوں سے میں تم پر زیادہ ڈرتا ہوں، اگر وہ نکلے اور میں تمہارے بیچ موجود ہوں تو میں تمہاری جگہ خود اس سے نمٹ لوں گا، اور اگر وہ نکلے اور میں تمہارے بیچ موجود نہ رہوں تو ہر آدمی خود اپنے نفس کا دفاع کرے گا، اور اللہ ہر مسلمان پر میرا خلیفہ (جانشیں) ہے ، دجال گھونگھریالے بالوں والا جوان ہو گا، اس کی ایک آنکھ انگور کی طرح ابھری ہوئی ہو گی تو ان میں اسے عبدالعزیٰ بن قطن سے تشبیہ دیتا ہوں، پس تم میں سے جو شخص اسے پا لے اسے چاہیئے کہ وہ سورۃ الکہف کی ابتدائی آیات پڑھے، وہ شام اور عراق کے درمیان سے نکلے گا اور دائیں بائیں فساد پھیلائے گا، اللہ کے بندو! ثابت قدم رہنا“۔ ہم نے عرض کیا: اللہ کے رسول! روئے زمین پر ٹھہرنے کی اس کی مدت کیا ہو گی؟ آپ نے فرمایا: ”چالیس دن، ایک دن ایک سال کے برابر ہو گا، ایک دن ایک مہینہ کے برابر ہو گا، ایک دن ہفتہ کے برابر ہو گا اور باقی دن تمہارے دنوں کی طرح ہوں گے“، ہم نے عرض کیا: اللہ کے رسول! بتائیے وہ ایک دن جو ایک سال کے برابر ہو گا کیا اس میں ایک دن کی نماز کافی ہو گی؟ آپ نے فرمایا: ”نہیں بلکہ اس کا اندازہ کر کے پڑھنا“۔ ہم نے عرض کیا: اللہ کے رسول! زمین میں وہ کتنی تیزی سے اپنا کام کرے گا؟ آپ نے فرمایا: ”اس بارش کی طرح کہ جس کے پیچھے ہوا لگی ہوتی ہے (اور وہ بارش کو نہایت تیزی سے پورے علاقے میں پھیلا دیتی ہے)، وہ کچھ لوگوں کے پاس آئے گا، انہیں دعوت دے گا تو وہ اس کو جھٹلائیں گے اور اس کی بات رد کر دیں گے، لہٰذا وہ ان کے پاس سے چلا جائے گا مگر اس کے پیچھے پیچھے ان (انکار کرنے والوں) کے مال بھی چلے جائیں گے، ان کا حال یہ ہو گا کہ ان کے پاس کچھ بھی نہیں رہے، پھر وہ کچھ دوسرے لوگوں کے پاس جائے گا، انہیں دعوت دے گا، اور اس کی دعوت قبول کریں گے اور اس کی تصدیق کریں گے، تب وہ آسمان کو بارش برسانے کا حکم دے گا۔ آسمان بارش برسائے گا، وہ زمین کو غلہ اگانے کا حکم دے گا، زمین غلہ اگائے گی، ان کے چرنے والے جانور شام کو جب (چراگاہ سے) واپس آئیں گے، تو ان کے کوہان پہلے سے کہیں زیادہ لمبے ہوں گے، ان کی کوکھیں زیادہ کشادہ ہوں گی اور ان کے تھن کامل طور پر (دودھ سے) بھرے ہوں گے، پھر وہ کسی ویران جگہ میں آئے گا اور اس سے کہے گا: اپنا خزانہ نکال، پھر وہاں سے واپس ہو گا تو اس زمین کے خزانے شہد کی مکھیوں کے سرداروں کی طرح اس کے پیچھے لگ جائیں گے، پھر وہ ایک بھرپور اور مکمل جوان کو بلائے گا اور تلوار سے مار کر اس کے دو ٹکڑے کر دے گا۔ پھر اسے بلائے گا اور وہ روشن چہرے کے ساتھ ہنستا ہوا آ جائے گا، پس دجال اسی حالت میں ہو گا کہ اسی دوران عیسیٰ بن مریم علیہما السلام دمشق کی مشرقی جانب سفید مینار پر زرد کپڑوں میں ملبوس دو فرشتوں کے بازو پر ہاتھ رکھے ہوئے اتریں گے، جب وہ اپنا سر جھکائیں گے تو پانی ٹپکے گا اور جب اٹھائیں گے تو اس سے موتی کی طرح چاندی کی بوندیں گریں گی، ان کی سانس کی بھاپ جس کافر کو بھی پہنچے گی وہ مر جائے گا اور ان کی سانس کی بھاپ ان کی حد نگاہ تک محسوس کی جائے گی، وہ دجال کو ڈھونڈیں گے یہاں تک کہ اسے باب لد کے پاس پا لیں گے اور اسے قتل کر دیں گے۔ اسی حالت میں اللہ تعالیٰ جتنا چاہے گا عیسیٰ علیہ السلام ٹھہریں گے، پھر اللہ تعالیٰ ان کے پاس وحی بھیجے گا کہ میرے بندوں کو طور کی طرف لے جاؤ، اس لیے کہ میں نے کچھ ایسے بندے اتارے ہیں جن سے لڑنے کی کسی میں تاب نہیں ہے، ”اللہ تعالیٰ یاجوج ماجوج کو بھیجے گا اور وہ ویسے ہی ہوں گے جیسا اللہ تعالیٰ نے کہا ہے: «من كل حدب ينسلون» ”ہر بلندی سے پھیل پڑیں گے“ (الأنبياء: ۹۶) ان کا پہلا گروہ (شام کی) بحیرہ طبریہ (نامی جھیل) سے گزرے گا اور اس کا تمام پانی پی جائے گا، پھر اس سے ان کا دوسرا گروہ گزرے گا تو کہے گا: اس میں کبھی پانی تھا ہی نہیں، پھر وہ لوگ چلتے رہیں گے یہاں تک کہ جبل بیت المقدس تک پہنچیں گے تو کہیں گے: ہم نے زمین والوں کو قتل کر دیا اب آؤ آسمان والوں کو قتل کریں، چنانچہ وہ لوگ آسمان کی طرف اپنے تیر چلائیں گے چنانچہ اللہ تعالیٰ ان کو خون سے سرخ کر کے ان کے پاس واپس کر دے گا، (اس عرصے میں) عیسیٰ بن مریم علیہما السلام اور ان کے ساتھی گھرے رہیں گے، یہاں تک کہ (شدید قحط سالی کی وجہ سے) اس وقت بیل کی ایک سری ان کے لیے تمہارے سو دینار سے بہتر معلوم ہو گی (چیزیں اس قدر مہنگی ہوں گی)، پھر عیسیٰ بن مریم اور ان کے ساتھی اللہ کی طرف متوجہ ہوں گے، تو اللہ تعالیٰ یاجوج و ماجوج کی گردنوں میں ایک کیڑا پیدا کر دے گا، جس سے وہ سب دفعتاً ایک جان کی طرح مر جائیں گے، عیسیٰ اور ان کے ساتھی (پہاڑ سے) اتریں گے تو ایک بالشت بھی ایسی جگہ نہ ہو گی جو ان کی لاشوں کی گندگی، سخت بدبو اور خون سے بھری ہوئی نہ ہو، پھر عیسیٰ علیہ السلام اور ان کے ساتھی اللہ کی طرف متوجہ ہوں گے اور اللہ تعالیٰ ایسے بڑے پرندوں کو بھیجے گا جن کی گردنیں بختی اونٹوں کی گردنوں کی طرح ہوں گی، وہ لاشوں کو اٹھا کر گڈھوں میں پھینک دیں گے، مسلمان ان کے کمان، تیر اور ترکش سے سات سال تک ایندھن جلائیں گے ۔ پھر اللہ تعالیٰ ان پر ایسی بارش برسائے گا جسے کوئی کچا اور پکا گھر نہیں روک پائے گا، یہ بارش زمین کو دھو دے گی اور اسے آئینہ کی طرح صاف شفاف کر دے گی، پھر زمین سے کہا جائے گا: اپنا پھل نکال اور اپنی برکت واپس لا، چنانچہ اس وقت ایک انار ایک جماعت کے لیے کافی ہو گا، اس کے چھلکے سے یہ جماعت سایہ حاصل کرے گی، اور دودھ میں ایسی برکت ہو گی کہ لوگوں کی ایک بڑی جماعت کے لیے ایک دودھ دینے والی اونٹنی کافی ہو گی، اور دودھ دینے والی ایک گائے لوگوں کے ایک قبیلے کو کافی ہو گی اور دودھ دینے والی ایک بکری لوگوں میں سے ایک گھرانے کو کافی ہو گی، لوگ اسی حال میں (کئی سالوں تک) رہیں گے کہ اللہ تعالیٰ ایک ہوا بھیجے گا جو سارے مومنوں کی روح قبض کر لے گی اور باقی لوگ گدھوں کی طرح کھلے عام زنا کریں گے، پھر انہیں لوگوں پر قیامت ہو گی ۔

(سنن ترمذی حدیث نمبر: 2240 ) امام ترمذی رحمۃ اللہ علیہ فرماتے ہیں : یہ حدیث حسن صحیح غریب ہے)۔(صحیح مسلم/الفتن ۲۰ (۲۹۳۷)، سنن ابی داود/ الملاحم ۱۴ (۴۳۲۱)، سنن ابن ماجہ/الفتن ۳۳ (۴۰۷۵) (تحفة الأشراف: ۱۱۷۱۱)، و مسند احمد (۴/۱۸۱) (صحیح))۔(طالب دعا و دعا گو ڈاکٹر فیض احمد چشتی)