اعتراض : کیا نبی علیہ السلام کا مقام ولادت مقدس جگہ ہے ؟ کیا اس کی تعظیم هم پر لازم هے ؟

اعتراض : کیا نبی علیہ السلام کا مقام ولادت مقدس جگہ ہے ؟ کیا اس کی تعظیم هم پر لازم هے ؟
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
جواب : انبیاء کرام کا مقام ولادت بابرکت اور مقدس جگہ ہے اور ہم سب مسلمانوں پر لازم ہے کہ ہم ایسی متبرک جگہ کا احترام کریں۔ مقام ولادت عیسٰی علیہ السلام کی اہمیت و فضیلت: حضرت انس بن مالک رضی اﷲ عنہ سے روایت ہے کہ نبی پاکﷺ نے اپنا سفر معراج بیان کرتے ہوئے فرمایا کہ جبرائیل علیہ السلام نے بیت اللحم کے مقام پر مجھ سے کہا : آپ براق سے اتریئے اور نماز پڑھیئے، میں نے اتر کر نماز ادا کی، پس اس نے کہا: ’’اتدری این صلیت؟ صلیت بیت لحم حیث ولد عیسٰی‘‘ پس اس نے کہا، کیا آپ جانتے ہیں کہ آپ نے کہاں نماز اد اکی ہے؟ آپ نے بیت اللحم میں نماز ادا کی ہے جہاں عیسٰی علیہ السلام کی پیدائش ہوئی تھی (سنن نسائی شریف، کتاب الصلوٰۃ، باب فرض الصلوٰۃ، جلد اوّل ، ص 222، حدیث 480) اس حدیث سے نبی کی جائے ولادت کی اہمیت اور فضیلت ثابت ہوتی ہے، جب حضرت عیسٰی علیہ السلام کے مقام ولادت کا یہ عالم ہے تو محبوب خداﷺ کی جس جگہ ولادت باسعادت ہوئی، اس مکان کی برکتوں کا کون اندازہ لگا سکتا ہے۔ اس لئے عاشقان رسول عرصۂ دراز سے مکۃ المکرمہ میں واقع ولادت گاہ مصطفیﷺ پر ادب و احترام کے ساتھ درود وسلام کے پھول نچھاور کرتے ہیں۔