اعتراض : ۔ دن مقرر کرکے میلاد کیوں مناتے ہو؟ دن مقرر کرکے عبادت کرنا ناجائز ہے

اعتراض : ۔ دن مقرر کرکے میلاد کیوں مناتے ہو؟ دن مقرر کرکے عبادت کرنا ناجائز ہے
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
جواب : ۔ عقل کا تقاضا یہ ہے کہ جس کی یاد منانی ہو تو اسی دن منائی جائے جس دن کو، جس تاریخ کو اس شخصیت سے نسبت ہو۔ اعمال صالح کے لئے دن مقرر کرنے میں کوئی حرج نہیں۔ ٭ سید عالمﷺ نے شہدائے احد کی زیارت کے لئے سرسال کا وقت مقرر فرمایا تھا (صحیح مسلم، باب فضل مسجد قباء، جلد اول،  448، مطبوعہ قدیمی کتب خانہ، کراچی) ٭ حضور اکرمﷺ کا سنیچر (ہفتہ) کے دن مسجد قباء میں تشریف لانا (بخاری شریف، مسلم شریف) ٭ حضور اکرمﷺ کا ہر پیر کو اپنی ولادت کا روزہ رکھنا (مسلم، باب استحباب صیام ثلاثہ ایام، جلد اول، ص 368، مطبوعہ قدیمی کتب خانہ، کراچی) ٭ حضرت ابوبکر صدیق رضی اﷲ عنہ سے دینی مشاورت کے لئے وقت صبح و شام کا تعین (بخاری، باب ہجرۃ النبی و اصحابہ الی المدینہ جلد اول، ص 552، مطبوعہ قدیمی کتب خانہ، کراچی) ٭ سفر جہاد شروع کرنے کے لئے پنج شنبہ (جمعرات) کا تعین (بخاری، باب ہجرۃ النبی و اصحابہ الی المدینہ، جلد اول، ص 414، مطبوعہ قدیمی کتب خانہ) ٭ طلب علم کے لئے دو شنبہ (پیر) کا تعین (الفردوس بماء ثور الخطاب، جلد اول، ص 78، حدیث 237، مطبوعہ دارالکتب العلمیہ بیروت) ٭ حضرت عبداﷲ ابن مسعود رضی اﷲ عنہ نے وعظ و تذکیر کے لئے پنج شنبہ (جمعرات) کا دن مقرر کیا (بخاری، باب من جعل لاہل ایاما معلومۃ، جلد اول، ص 16، قدیمی کتب خانہ، کراچی) ٭ علماء نے سبق شروع کرنے کے لئے بدھ کا دن رکھا (تعلیم المتعلم، فصل فی بدایۃ السبق، ص 93، مطبوعہ مطیع علیمی دہلی)