حضرت امیر معاویہ رضی اللہ عنہ محبت اور تبرکاتِ رسول صلی اللہ علیہ وآلہ وسلم

حضرت امیر معاویہ رضی اللہ عنہ محبت اور تبرکاتِ رسول صلی اللہ علیہ وآلہ وسلم

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

حضرت امیر معاویہ رضی اللہ عنہ کے پاس حضور نبی اکرم صلی اللہ علیہ وآلہ وسلم کے تبرکاتِ مقدسہ محفوظ تھے۔ جب حضرت امیر معاویہ رضی اللہ عنہ کا آخری وقت قریب آیا تو انہوں نے وصیت کی :

ان يکفن في قميص کان رسول اﷲ صلي الله عليه وآله وسلم قد کساه إياه. و أن يجعل مما يلي جسده. وکان عنده قلامة أظفار رسول اﷲ، فأوصي أن تُسحق و تجعل في عينيه و فمه، وقال : افعلوا ذالک، و خلّوا بيني و بين أرحم الراحمين.

مجھے اس قمیض میں کفنایا جائے جسے رسول اﷲ صلی اللہ علیہ وآلہ وسلم نے انہیں پہنایا تھا اور اسے ان کے جسم پر (اس طرح) ڈال دیا جائے (کہ درمیان میں کوئی اور کپڑا حائل نہ ہو)۔

ابن اثير، اسد الغابه في معرفة الصحابه، 5 : 2203

نووي، تهذيب الاسماء، 2 : 3103

حلبي، السيرة الحلبيه، 3 : 44

علاوہ ازیں ان کے پاس حضور نبی اکرم صلی اللہ علیہ وآلہ وسلم کے تراشے ہوئے مبارک ناخن تھے۔ انہوں نے وصیت کی کہ ان مبارک ناخنوں کو باریک پیس کر ان کی آنکھوں اور منہ میں ڈال دیا جائے پھر فرمایا میں جیسا کہتا ہوں ایسا ہی کرنا اور باقی معاملہ میرے اور ارحم الرحمین کے درمیان چھوڑ دینا۔