حضرت عمیر بن ابی وقاص رضی اللہ عنہ کی محبّت رسول ﷺ اور تمنائے شہادت

حضرت عمیر بن ابی وقاص رضی اللہ عنہ کی محبّت رسول ﷺ اور تمنائے شہادت

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

غزوۂ بدر کے موقع پر ایک کم سن نوجوان مجاہدینِ اسلام کی صفوں میں چھپتا پھر رہا تھا۔ حضور صلی اللہ علیہ وآلہ وسلم نے صف بندی کے دوران اس نوجوان کو دیکھ کر فرمایا : بیٹا! ابھی تمہاری عمر لڑنے کی نہیں ہے، اس لئے تم واپس چلے جاؤ۔ رسولِ خدا صلی اللہ علیہ وآلہ وسلم کا یہ حکم سن کر وہ نوجوان جو کم عمری کے باوجود دل میں شہادت کی شدید آرزو رکھتا تھا آبدیدہ ہوگیا، اور عرض پرداز ہوا : یا رسول اللہ! میرے ماں باپ آپ پر قربان ہوں، میں جنگ میں شریک ہونے کی اجازت کا طلب گار ہوں، شاید میرا لہو اللہ کی راہ میں کام آجائے۔ حضور نبی اکرم صلی اللہ علیہ وآلہ وسلم نے اس نوجوان کا جذبۂ ایمان دیکھ کر اُسے اجازت مرحمت فرما دی اور اسے تلوار بھی عطا کی۔ تاریخ اس نوجوان کو حضرت عمیر بن ابی وقاص رضی اللہ عنہ کے نام سے یاد کرتی ہے۔ وہ حضرت سعد بن ابی وقاص رضی اللہ عنہ کے چھوٹے بھائی تھے۔ جنگ کا آغاز ہوا تو حضرت عمیر بن ابی وقاص رضی اللہ عنہ دشمن پر ٹوٹ پڑے، آخر دادِ شجاعت دیتے ہوئے فقط سولہ سال کی عمر میں شہادت کے رتبے پر فائز ہوئے اور اپنا نام محبّان مصطفیٰ کی فہرست میں لکھوانے کی سعادت حاصل کی۔

ابن سعد، الطبقات الکبریٰ، 3 : 2149

حاکم، المستدرک، 3 : 208، رقم : 34864

سهيلي، الروض الانف، 3 : 4164

ابن اثير، اسد الغابه في معرفة الصحابه، 4 : 5287

ذهبي، سير أعلام النبلاء، 1 : 697

ابن جوزي، صفوة الصفوه، 1 : 7394

هيثمي، مجمع الزوائد، 6 : 869

ابن حجر عسقلاني، الاصابه، 4 : 9725

مروزي، السنة، 1 : 1047

حلبي، السيرة الحلبيه، 2 : 380