اِمام ابو العباس احمد بن محمد شہاب الدین القسطلانی رحمۃ اللہ علیہ (المتوفی 911ھ) اور تعریف و اقسام بدعت

اِمام ابو العباس احمد بن محمد شہاب الدین القسطلانی رحمۃ اللہ علیہ (المتوفی 911ھ)

اور تعریف و اقسام بدعت

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

علامہ شہاب الدین احمد قسطلانی حضرت عمر رضی اللہ عنہ کے فرمان ’’نعم البدعۃ ہذہ‘‘ کے ضمن میں بدعت کی تعریف اور تقسیم بیان کرتے ہوئے لکھتے ہیں :

نعم البدعة هذه(1) سماها بدعة لأنه صلي الله عليه وآله وسلم لم يسن لهم الاجتماع لها ولا کانت في زمن الصديق ولا أول الليل ولا کل ليلة ولا هذا العدد. و هي خمسة واجبة و مندوبة و محرمة و مکروهة و مباحة و حديث ’’کل بدعة ضلالة‘‘(2) من العام المخصوص و قد رغب فيها عمر بقوله نعم البدعة و هي کلمة تجمع المحاسن کلها کما أن بئس تجمع المساوي کلها و قيام رمضان ليس بدعة لأنه صلي الله عليه وآله وسلم قال اقتدوا باللذين من بعدي ابي بکر و عمر(3) (رضي اﷲ عنهما) و إذا أجمع الصحابة مع عمر رضی الله عنه علي ذلک زال عنه اسم البدعة ۔

نعم البدعۃ ہذہ‘‘ کے تحت نماز تراویح کو بدعت کا نام دیا گیا کیونکہ آقا علیہ السلام نے تراویح کے لئے اجتماع کو مسنون قرار نہیں دیا۔ اور نہ ہی اس طریقے سے حضرت ابوبکر رضی اللہ عنہ کے زمانے میں تھی اور نہ ہی (پابندی کے ساتھ) رات کے اِبتدائی حصے میں تھی اور نہ ہی مستقلاً ہر رات پڑھی جاتی تھی اور نہ ہی یہ عدد متعین تھا اور بدعت کی درج ذیل پانچ اقسام واجبہ، مندوبہ، محرمہ، مکروھہ، اور مُبَاحہ ہیں اور جیسا کہ حدیث میں ہے۔ ’’کل بدعۃ ضلالہ‘‘ یعنی ہر بدعت گمراہی ہے یہ حکم عام ہے مگر اس سے مراد مخصوص قسم کی بدعات ہیں اور سیدنا عمر فاروق رضی اللہ عنہ نے اپنے قول ’’نعم البدعۃ ہذہ‘‘ سے اس (بدعت حسنہ) کی ترغیب دی ہے۔ اوریہ کلمہ (یعنی لفظ نعم) اپنے اندر تمام محاسن سموئے ہوئے ہے جس طرح کہ لفظ بئس اپنے اندر تمام برائیاں سموئے ہوئے ہے۔ اور رمضان المبارک میں (نماز تراویح) کا قیام بدعت نہیں ہے کیونکہ آقا علیہ السلام نے فرمایا کہ میرے بعد حضرت ابوبکر اور عمر رضی اﷲ عنہما کی پیروی کرنا اور جب صحابہ رضی اللہ عنہم نے حضرت عمر فاروق رضی اللہ عنہ کے ساتھ قیام رمضان پر اتفاق کیا تو اس طرح قیام رمضان سے بدعت کا اطلاق ختم ہوگیا۔

1 ۔ بخاري، الصحيح، 2 : 707، کتاب صلاة التراويح، باب فضل من قام رمضان، رقم : 1906

مالک، المؤطا، 1 : 114، رقم، 2 : 250

ابن خزيمة، الصحيح، 2 : 155، رقم : 1100

2 ۔ ابوداؤد، السنن، 4 : 200، کتاب السنة، باب في لزوم السنة، رقم : 4607

ترمذي، الجامع الصحيح، 5 : 44، کتاب العلم، باب ما جاء في الأخذ بالسنة، رقم : 2676

ابن ماجه، السنن، مقدمه، باب اتباع السنة الخلفاء الراشدين، 1 : 15، رقم : 42

احمد بن حنبل، المسند، 4 : 126

3 ۔ ترمذي، الجامع الصحيح، کتاب المناقب عن الرسول صلي الله عليه وآله وسلم ، باب مناقب ابي بکر و عمر، 5 / 609، رقم : 3662

ابن ماجه، السنن، باب في فضل اصحاب رسول اﷲ صلي الله عليه وآله وسلم ، 1 / 37، رقم : 97

حاکم، المستدرک، 3 / 79، رقم : 4451

قسطلاني، ارشاد الساري لشرح صحيح البخاري، 3 : 426