سوال نمبر 23 : ابن عبدالوہاب نجدی کے متعلق علمائے دیوبند کاکیاعقیدہ ہے، اس کو کیسا جانتے ہیں ؟

جواب :بہت اچھا، عمدہ آدمی، متبع سنت عامل بالحدیث تھا۔ نہایت پابند شرع، اعلیٰ درجہ کا مُبلغ، شرک وبدعت کامٹانے والا۔ علمائے دیوبند کے پیشوا مولوی رشید احمد نے اس نجدی کی بڑی تعریف کی ہے ملاحظہ ہو ۔
حوالہ ۔فتاویٰ رشیدیہ حصہ سوم صفحہ ۷۹ ۔سوال :عبدا لوہاب نجدی کیسے شخص تھے؟
الجواب: محمد بن عبدالوہاب کو لوگ وہابی کہتے ہیں، وہ اچھا آدمی تھا۔ سُنا ہے کہ مذہب حنبلی رکھتا تھا اور عامل بالحدیث تھا ۔ بدعت وشرک سے روکتا تھا مگر تشدید اس کے مزاج میں تھی۔ واﷲتعالیٰ اعلم۔
فائدہ :۔علمائے دیوبند کے پیشوا مولوی رشید احمدصاحب نے نجدی وہابی کی تعریف کرکے ثابت کردیا اور ظاہر کردیا کہ علمائے دیوبند وہابی ہیں اور نجدی کے ہم عقیدہ ہیں۔ نجدیوں کے جوعقائد ہیں، وہی دیوبندیوں کے بھی عقیدے ہیں۔ البتہ فرق صرف اتنا ہے کہ نجدی حنبلی مذہب رکھتا تھا اور دیوبندی حنفی اور یہ فقط اعمال کافرق ہوا، عقائد میں دونوں ایک ہی ہیں۔