ابن القیم کے نزدیک فناء ، علم لدنی اور فراست کی تعریف

ابن القیم کے نزدیک فناء ، علم لدنی اور فراست کی تعریف
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ترتیب و پیشکش : ۔ ڈاکٹر فیض احمد چشتی لاھور پاکستان
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فناء کا لفظ جو صوفیہ کرام استعمال کرتےہیں ، اس کا مطلب یہ ہے کہ بنده کی نظروں سے سب مخلوقات دور ہو جائیں اور افق عدم میں غائب ہو جائیں جیسا کہ پیدا ہونے سے پہلے تهیں ، اور صرف حق تعالی کی ذات اس کی نظروں میں باقی رہے ،پهر تمام مشاہدات کی صورتیں بهی اس کی نظروں سے غائب ہو جائیں ، پهر اس کا شہود بهی غائب ہو جائے ،اور صرف حق تعالی کا مشاہده کرے۔ حقیقت اس کی یہ ہے کہ ہر وه چیز جو پہلے موجود نہیں تهی اس کی نظروں سے فناء ہو جائے اور صرف حق تعالی عزوجل و لم یزل کی ذات عالی اس کی نظروں کے سامنے رہے ۔ اور خوب جان لو کہ اس فناء سے ان کی مراد یہ نہیں ہے کہ الله تعالی کے سوا ہر چیز کا وجود خارج میں حقیقتََا فناء ہو جائے ، بلکہ مطلب یہ ہے کہ اس بنده کے حِس اور نظروں سے یہ سب چیزیں غائب ہو جائیں فقط ۔
.(.مدارج السالكين ج 1.).

علم لَدُنّی کی تعریف

علم لدنی عبودیت ، اتباع ،صدق مع الله ،اخلاص ،علوم نبوت حاصل کرنے میں کو شش ،اور الله کے رسول صلی الله علیہ وسلم کی کامل اتباع کا ثمره ہے ، ایسے بنده کیلئے کتاب وسنت کی فہم کا خصوصی دروازه کهول دیا جاتاهے الخ۔
.(. مدارج السالكين ج 2 ص 457.).

فراست کی تعریف

فراست ایک نور ہے جس کو الله تعالی بنده کے دل میں ڈالتا ہے ، جس کے ذریعہ سے بنده حق و باطل ، حالی و عاطل ، صادق و کاذب کے درمیان فرق کرتا ہے الخ۔
.(. مدارج السالكين ج 2 ص 483 .).