ایصال ثواب احادیث مبارکہ کی روشنی میں ( 26 )

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
حضرت عبد اللہ بن عمر رضی اﷲ عنہما روایت کرتے ہیں کہ اُنہوں نے حضور نبی اکرم صلی اللہ علیہ وآلہ وسلم کو فرماتے ہوئے سنا : جب تم میں سے کوئی فوت ہو جائے تو اُسے روک نہ رکھو بلکہ اُسے جلدی قبر تک لے جائو، اُس کی قبر پر اُس کے سر کی جانب سورہ فاتحہ اور اُس کے پاؤں کی جانب سورہ بقرہ کی آخری آیات پڑھو.
=========================================
أخرجه الطبراني في المعجم الکبير، 12 / 444، الرقم : 31613، والبيهقي في شعب الإيمان، 7 / 16، الرقم : 9294، والديلمي في مسند الفردوس، 1 / 284، الرقم : 1115، والسيوطي في الدر المنثور، 1 / 70.
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
حضرت عباس بن محمد بیان کرتے ہیں کہ اُنہوں نے حضرت یحییٰ بن معین سے قبر کے نزدیک تلاوتِ کلام مجید کے متعلق پوچھا تو انہوں نے فرمایا : ہمیں مبشر بن اسماعیل الحلبی نے عبد الرحمن بن علاء بن لجلاج سے، انہوں نے اپنے والد سے روایت کیا کہ انہوں نے اپنے بیٹوں سے کہا : جب تم مجھے میری قبر میں اُتارو اور مجھے لحد میں رکھو تو ’بِاسْمِ اﷲِ وَعَلٰی سُنَّةِ رَسُوْلِ اﷲِ صلی الله عليه وآله وسلم‘ کہو اور پھر مجھ پر مٹی ڈالو اور میرے سرہانے سورہ بقرہ کا ابتدائی و آخری حصہ تلاوت کرو. کیونکہ میں نے حضرت عبد اﷲ بن عمر رضی اﷲ عنہما کو دیکھا کہ وہ اِس عمل کو مستحب جانتے تھے۔
=========================================
أخرجه البيهقي في السنن الکبری، 4 / 56، الرقم : 6860.