ایصال ثواب احادیث مبارکہ کی روشنی میں ( 24 )

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
حضرت عمر رضی اللہ عنہ فرماتے ہیں کہ حضور نبی اکرم صلی اللہ علیہ وآلہ وسلم نے فرمایا : جو کوئی اپنے والدین کی وفات کے بعد اُن کے لئے حج کرے تو اُس کے لئے جہنم سے چھٹکارا لکھ دیا جاتا ہے اور جس کی طرف سے حج کیا گیا اُس کو ایک مکمل حج کا ثواب ملے گا، بغیر اِس کے کہ اُن کے اَجر میں کمی بیشی کی جائے۔
=========================================
أخرجه البيهقيفي شعب الإيمان، 6 / 205، الرقم : 7912.
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
امام دار قطنی روایت کرتے ہیں کہ ایک آدمی نے عرض کیا : یا رسول اللہ! میں اپنے والدین کی وفات کے بعد ان کے ساتھ کیسے نیکی کر سکتا ہوں؟ آپ صلی اللہ علیہ وآلہ وسلم نے فرمایا : اُن کی موت کے بعد اگر کوئی نیکی ہے تو وہ یہ ہے کہ تو اپنی نماز کے ساتھ اُن کے لیے بھی نماز پڑھے اور اُن کے لیے اپنے روزوں کے ساتھ روزے رکھے اور اپنے صدقہ کے ساتھ اُن کی طرف سے بھی صدقہ کرے۔
=========================================
أخرجه ابن أبي شيبة في المصنف، 3 / 59، الرقم : 12084، وبدر الدين العينيفي عمدة القاري، 3 / 119، والمبارکفوري في تحفة الأحوذي، 3 / 276.