تصرف و کرامات کا ثبوت احادث مبارکہ کی روشنی میں ( 19 )

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
حضرت ابوہریرہ رضی اللہ عنہ سے مروی ایک طویل روایت میں ہے کہ حضرت خُبیب رضی اللہ عنہ نے غزوہ بدر میں (سردارِ قریش) حارث بن عامر کو قتل کیا تھا (بعد کے ایک واقعہ میں) حضرت خُبیب (گرفتار ہو کر) ان کے قیدی بن گئے۔ حارث (جسے حضرت خُبیب رضی اللہ عنہ نے قتل کیا تھا) کی ایک بیٹی کہا کرتی تھی کہ میں نے حضرت خبیب رضی اللہ عنہ سے زیادہ اچھا اور نیک کوئی قیدی نہیں دیکھا۔ اور بے شک میں نے حضرت خبیب رضی اللہ عنہ کو (دورانِ قید) انگور کا خوشہ کھاتے ہوئے دیکھا حالانکہ ان دنوں مکہ میں کوئی پھل نہیں ملتا تھا (یعنی پھلوں کا موسم بھی نہیں تھا) اور ویسے بھی وہ زنجیروں میں جکڑے ہوئے تھے۔ سو یہ وہ روزی تھی جو اﷲتعالیٰ انہیں (غیب سے) مرحمت فرماتا تھا۔
=========================================
الحديث رقم 49 : أخرجه البخاري في الصحيح، کتاب : المغازي، باب : غَزْوَةُ الرَّجِيعِ، وَرِعْلٍ، وَذَکوان، وبِئر مَعْونة، 4 / 1499، الرقم : 3858، وفي کتاب : الجهاد، باب : هل يَسْتَاسِر الرَّجُلُ ومَنَ لَم يَسْتَأَسِرُ وَمَن رَکع رَکْعَتَين عند القَتلِ، 3 / 1108، الرقم : 2880، وأحمد بن حنبل في المسند، 2 / 310، الرقم : 8082، وعبد الرزاق في المصنف، 5 / 353، الرقم : 9730، والطبراني في المعجم الکبير، 4 / 221، الرقم : 4191، واللالکائي في کرامات الأولياء، 1 / 101، الرقم : 53، والعسقلاني في فتح الباري، 7 / 384، وابن عبد البر في الاستيعاب، 2 / 779، الرقم : 1305، والطبري في تاريخ الأمم والملوک، 2 / 78.