تصرف و کرامات کا ثبوت احادث مبارکہ کی روشنی میں ( 20 )

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
حضرت جابر رضی اللہ عنہ سے روایت ہے کہ جب غزوہ احد کا وقت آ گیا تو میرے والد (حضرت عبد اﷲ رضی اللہ عنہ) نے مجھے رات کے وقت بلایا اور فرمایا : میں یہی دیکھتا ہوں کہ حضور نبی اکرم صلی اللہ علیہ وآلہ وسلم کے اصحاب میں سب سے پہلے میں شہید کیا جاؤں گا اور میں اپنے بعد کسی کو نہیں چھوڑ رہا ہوں جو رسول اللہ صلی اللہ علیہ وآلہ وسلم کے علاوہ مجھے تم سے زیادہ عزیز ہو۔ مجھ پر قرض ہے اسے ادا کر دینا اور اپنی بہنوں کے ساتھ اچھا سلوک کرنا۔ صبح ہوئی تو سب سے پہلے وہی شہید کئے گئے اور ایک دوسرے (شہید) کے ساتھ دفن کیے گئے۔ پھر میرا دل اس پر رضامند نہ ہوا کہ انہیں دوسروں کے ساتھ چھوڑے رکھوں لہٰذا (تدفین کے) چھ ماہ کے بعد میں نے انہیں نکالا تو وہ اسی طرح (ترو تازہ) تھے جیسے دفن کرنے کے روز تھے، سوائے ایک کان کے (جو کہ دورانِ جنگ شہید ہو گیا تھا)۔
=========================================
الحديث رقم 51 : أخرجه البخاري في الصحيح، کتاب : الجنائز، باب : هل يُخْرجُ المَيّتُ منَ القبر واللّحد لِعلّةٍ، 1 / 453، الرقم : 1286، والحاکم في المستدرک، 3 / 224، الرقم : 4913، والبيهقي في السنن الکبري، 6 / 285، الرقم : 12459، والعسقلاني في مقدمة فتح الباري، 1 / 270، والخطيب التبريزي في مشکاة المصابيح، 2 / 399، الرقم : 5945.