حضرت فاطمۃ الزہرا رضی اللہ عنہا کا جنازہ

 حضرت فاطمۃ الزہرا رضی اللہ عنہا کا جنازہ

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

محترم قارئینِ کرام : جمہور علماء اہلسنت کا موقف ہے اور مستند ترین کتابوں میں یہ موجود ہے کہ حضرت سیدہ فاطمہ زہرا رضی اللہ عنہا کا جنازہ خلیفہ بلا فصل نبی کریم صلی اللہ علیہ و آلہ وسلم کے ظاہری و باطنی اور روحانی خلیفہ و جانشین حضرت سیدنا ابو بکر صدیق رضی اللہ عنہ نے پڑھائی ہے اور اسی پر اکثر امت مسلمہ کا اتفاق ہے ۔ شیعہ روافض کے مذھب کی بنیاد تقیہ یعنی جھوٹ پر ہے اگر یہ جھوٹ بولنا چھوڑ دیں تو ان کا خود ساختہ مذھب خود بخود دفن ہو جائے گا انہیں جھوٹوں میں سے ایک یہ بھی ہے کہ حضرت سیّدہ فاطمۃ الزہرا رضی اللہ عنہا حضرت ابوبکر صدیق رضی اللہ عنہ سے ناراض تھیں اور حضرت سیّدہ فاطمۃ الزہرا سلام اللہ علیہا کا جنازہ حضرت ابوبکر صدیق رضی اللہ عنہ نے نہیں پڑھایا اور صحابہ کرام رضی اللہ عنہم نے جنازہ میں شرکت نہیں کی ۔ لعنۃ اللہ علی الکاذبین آئیے اس جھوٹ کا جواب مستند دلائل کی روشنی میں پڑھتے ہیں :

عن حماد عن ابراھیم النخعی قال صلی ابوبکر الصدیق علی فاطمۃ بنت رسول اللہ صلی اللہ علیہ وآلہ وسلم فکبر اربعا ۔

ترجمہ : حضرت ابرھیم نخعی رحمۃ اللہ علیہ نے فرمایا : حضرت ابوبکر صدیق رضی اللہ عنہ نے حضرت سیّدہ فاطمہ بنت رسول اللہ صلی اللہ علیہ وآلہ وسلم کی نماز جنازہ پڑھائی اور چار تکبیریں کہیں ۔ (طبقات ابن سعد جلد ثامن صفحہ ١٩ تذکرہ فاطمہ مطبوعہ لیدن یورپ،چشتی)

عن مجاھد عن الشعبی قال صلی علیھا ابوبکر رضی اللہ عنہ وعنہا ۔

ترجمہ : حضرت امام شعبی رحمۃ اللہ علیہ فرماتے ہیں کہ حضرت سیّدہ فاطمہ بنت رسول اللہ صلی اللہ علیہ وآلہ وسلم پر حضرت ابوبکر صدیق رضی اللہ عنہ نے نماز جنازہ پڑھایا ۔ (طبقات ابن سعد جلد ٨ صفحہ ١٩تذکر ہ فاطمہ طبع لیدن یورپ)

تیسری روایت امام بہیقی رحمۃ اللہ علیہ سے اپنی سند کے ساتھ منقول ہے لکھتے ہیں کہ : حدثنا محمد بن عثمان ابن ابی شیبۃ حدثنا عون بن سلام حدثنا سوار بن مصعب عن مجالدعن الشعبی ان فاطمۃ اماماتت دفنھا علی لیلا واخذ بضبعی ابی بکر الصدیق فقدمہ یعنی فی الصلوۃ علیھا ۔ (رضوان اللہ علیہم اجمعین)

ترجمہ : یعنی جب حضرت سیّدہ فاطمہ سلام اللہ علیہا فوت ہوئیں تو حضرت علی رضی اللہ عنھما نے ان کو رات میں ہی دفن کردیا اور جنازے کے موقع پر حضرت علی رضی اللہ عنہ نے حضرت ابوبکرصدیق رضی اللہ عنہ کے دونوں بازو پکڑ کر جنازہ پڑھانے کیلئے مقدم کردیا ۔ (السنن الکبریٰ للبیہقی مو الجواھر النقی جلد٤ صفحہ ٢٩کتاب الجنائز،چشتی)

حضرت امام محمد باقر رضی اللہ عنہ سے مروی روایت صاحب کنز العمال نے علی المتقی الہندی نے بحوالہ خطیب ذکر کی ہے : عن جعفر ابن محمد عن ابیہ قال ماتت فاطمہ بنت رسول اللہ فجاء ابوبکر و عمر لیصلوافقال ابوبکر لعلی ابن ابی طالب تقدم قال ما کنت لاتقدم وانت خلیفۃ رسول اللہ فتقدم ابوبکر و صلی علیھا

ترجمہ : امام جعفر صادق امام محمد باقر رضی اللہ عنہما سے روایت کرتے ہیں کہ حضرت فاطمہ دختر رسول اللہ رضی اللہ عنہا فوت ہوئیں تو ابوبکر و عمر رضی اللہ عنہما دونوں جنازہ پڑھنے کیلئے آئے تو ابوبکر رضی اللہ عنہ نے علی المرتضٰی رضی اللہ عنہ سے جنازہ پڑھانے کے لئے فرمایا کہ آگے تشریف لائیے تو علی المرتضٰی رضی اللہ عنہ نے جواب دیا کہ آپ خیفۃ رسول ہیں آپ کی موجودگی میں ٫٫میں ،، آگے بڑھ کر جنازہ نہیں پڑھا سکتا پس ابوبکر صدیق رضی اللہ عنہ نے آگے بڑھ کر جنازہ پڑھایا ۔ (کنزالعمال (خط فی رواۃ مالک) جلد ٦ صفحہ ٣١٨ طبع قدیم روایت ٥٢٩٩باب فضائل الصحابہ ۔ فصل الصدیق مسندات علی،چشتی)

حضرت امام زین العابدین رضی اللہ عنہ کی روایت حاضر ہے اس مسئلہ کو اس روایت نے خاصی حد تک حل کر دیا ہے : عن مالک عن جعفر ابن محمد عن ابیہ عن جدہ علی ابن حسین قال ماتت فاطمہ بین المغرب والعشاء فحضرھا ابوبکر و عمر وعثمان والزبیر وعبدالرحمان ابن عوف فلما وضعت لیصلیٰ علیھا قال علی تقدم یا ابابکر قال وانت شاھد یا اباالحسن؟قال نعم !فواللہ لا یصلی علیھا غیرک فصلٰی علیھا ابوبکر(رضوان اللہ علیہم اجمعین) ودفنت لیلا ۔

ترجمہ : جعفر صادق اپنے والد محمد باقر سے اور وہ اپنے والد امام زین العابدین سے روایت کرتے ہیںکہ مغرب و عشاء کے درمیان حضرت فاطمۃالزہراء کی وفات ہوئی ان کی وفات پر ابوبکر و عمر وعثمان وزبیر وعبدالرحمان بن عوف حضرات رضی اللہ عنہم حاضر ہوئے جب نماز جنازہ پڑھنے کیلئے جنازہ سامنے رکھا گیا تو حضرت علی رضی اللہ عنہ نے حضرت ابوبکر صدیق رضی اللہ عنہ سے کہا کہ جنازہ پڑھانے کیلئے آگے تشریف لائیے اللہ کی قسم آپ کے بغیر کوئی دوسرا شخص فاطمہ رضی اللہ عنہا کا جنازہ نہیں پڑھائے گا پس ابو بکر رضی اللہ عنہ نے حضرت فاطمہ رضی اللہ عنھا پر نمازجنازہ پڑھائی اور رات کو دفن کی گئیں ۔ (ریاض النضرۃ فی مناقب العشرہ مبشرہلمحب الطبری جلد١صفحہ ١٥٦باب وفات فاطمہ)

حضرت شاہ عبدالعزیز رحمۃ اللہ علیہ نے تحفہ اثنا عشریہ کے باب مطاعن میں طعن نمبر 14 آخر میں فصل الخطاب سے نقل کرتے ہو ئے ریاض النضرۃ کی روایت کے قریب قریب روایت ذکر کی ہے : در فصل الخطاب آوردہ کہ ابوبکر صدیق و عثمان وعبدالرحمانابن عوف و زبیر بن عوام رضی اللہ عنہم وقت نماز عشاء حاضر شدندو رحلت حضرت فاطمہ درمیان مغرب و عشاء شب سہ شنبہ سوم ماہ رمضان ١١ھ؁بعد ازششماہ از واقعہ سرور جہاں بوقوع آمدہبودوستین عمرش بست و ہشت بود وابوبکر بموجب گفتہ علی المرتضٰی پیش امام شدونماز بروئے گزاشتو چہار تکبیر بر آورد ۔

ترجمہ : فصل الخطاب کے مصنف نے ذکر کیا ہے کہ ابو بکرصدیق و عثمان و عبدالرحمان بن عوف وزبیر بن عوام تمام حضرات رضی اللہ عنہم عشاء کی نماز کے وقت حاضر ہوئے اور سیدہ فاطمہ رضی اللہ عنہا کی رحلت مغرب و عشاء کے درمیان ہوئی منگل کی رات تیسری رمضان شریف حضور صلی اللہ علیہ و آلہ وسلّم کے چھ ماہ بعد حضرت فاطمہ رضی اللہ عنہ کا انتقال مبارک ہوا اسوقت حضرت فاطمہ رضی اللہ عنہ کی عمر 28 سال تھی علی المرتضٰی رضی اللہ عنہ کے فرمان کے مطابق ابوبکرالصدیق رضی اللہ عنہ نماز جنازہ کے لیئے امام بنے اور چار تکبیروں کے ساتھ نماز جنازہ پڑھائی ۔(تحفہ اثنا عشریہ مطاعن صدیقی طعن نمبر ١٤ صفحہ نمبر ٤٤٥( طبع نول کشور لکھنوی،چشتی)

امام حافظ ابو نعیم اصفہانی رحمۃ اللہ علیہ نے حلیۃ الاولیاء میں اپنی مکمل سند کیساتھ ابن عباس رضی اللہ عنہما سے جنازہ کی روایت کی ہے : عن میمون بن مھران عن ابن عباس النبی اتی بجنازۃ فصلٰی علیھا اربعا وقال کیرت الملائکۃ علیٰ ادم اربع تکبیرات و کبرابوبکر علیٰ فاطمہ اربعا وکبر عمر علیٰ ابی بکر اربعا وکبر صہیب علیٰ عمر اربعا ۔

ترجمہ : حضرت ابن عباس رضی اللہ عنہما ذکر کرتے ہیں کہ نبی کریم صلی اللہ علیہ و آلہ وسلّم کے پاس ایک جنازہ لایا گیا آپ نے اس پر نماز جنازہ پڑھی اور چار تکبیریں کہیں اور فرمایا کہ ملائکہ نے آدم علیہ السلام پر چار تکبیریں کہیں تھیں اور ابن عباس رضی اللہ عنہما مزید فرماتے ہیں کہ ابوبکر رضی اللہ عنہ نے حضرت فاطمہ رضی اللہ عنہ کے جنازہ کے موقع پر چار تکبیریں کہیں اور عمر نے ابوبکر اور صہیب نے عمر رضی اللہ عنہم پر چار تکبیریں کہیں تھیں ۔ (حلیۃ الاولیاء لابی نعیم الاصفہانہ جلد نمبر٤ صفحہ ٩٦ تذکرہ میمون بن مھران،چشتی)

کتاب بزل القوۃ فی حوادث سنی النبوۃ (عربی) مؤلفہ علامہ مخدوم ہاشم سندھی رحمۃ اللہ علیہ کے اردو ترجمہ موسومہ سیدہ سید الانبیاء مترجم (مفتی علیم الدین ) کے صفحہ نمبر 606 پر حضرت فاطمۃ الزھراء رضی اللہ عنہا کے وصال کے ضمن میں حاشیہ میں موجود ہے کہ آپ کا جنازہ حضرت صدیق اکبر رضی اللہ عنہ نے پڑھایا ۔ (سیرت سید الانبیاء اردو ترجمہ بذل القوۃ فی حوادث سنی النبوۃ عربی صفحہ نمبر 606 کا حاشیہ نمبر 1)

تاریخ ابن کثیر البدایہ و النھایہ از حضرت علامہ عماد الدین ابن کثیردمشقی اردوترجمہ حصہ ششم صفحہ نمبر 443 پر ایک روایت مذکور ہے کہ آپ رضی اللہ عنہا کی نماز جنازہ حضرت ابوبکر صدیق رضی اللہ عنہ نے پڑھائی

حضرت عباس اور حضرت علی رضی اللہ عنہما کے متعلق بھی روایات موجود ہیں ۔ (تاریخ ابن کثیر اردو ترجمہ البدیہ والنھایہ از امام ابن کثیر حصہ ششم صفحہ ٤٤٣)

مدارج النبوت اردو ترجمہ از حضرت شیخ عبد الحق محدث دھلوی ( مترجم الحاج مفتی غلام معین الدین علیہما الرحمہ) کے صفحہ نمبر 544 پر موجود ہے کہ روایتوں سے یہ بھی معلوم ہوا ہے کہ حضرت ابوبکر الصدیق رضی اللہ عنہ تشریف لائے اور حضرت فاطمہ رضی اللہ عنہا کی جنازہ پڑھائی اور حضرت عثمان بن عفان و عبدالرحمان ابن عوف اور زبیر بن العوام (رضی اللہ عنہم) بھی آئے ۔ (مدارج النبوت از شیخ عبدالحق محدث دہلوی جلد دوم صفحہ ٥٤٤ مطبوعہ ضیاء القرآن لاہور،چشتی)

حضرت ابن عمر رضی اللہ عنہما سے منقول ہے کہ حضرتِ فاطِمۃ الزَّہراء رضی اللہ عنہا کی نمازِ جنازہ حضرت ابو بکر صِدِّیق رضی اللہ عنہما نے پڑھائی ۔ (کَنْزُ الْعُمَّال، کتاب الموت، باب فی اشیاء قبل الدفن، ج۸، الجزء الخامس عشر، ص۳۰۳، الحدیث:۴۲۸۵۶)

حضرت ابراہیم رحمۃ اللہ علیہ سے منقول ہے حضرتِ سیِّدُنا ابوبکر صِدِّیق رضی اللہ عنہ نے حضرتِ سیِّدَتُنا فاطمہ بِنتِ رسولُ اللہ رضی اللہ عنہا کی نمازِ جنازہ پڑھائی اور چار تکبیریں  کہیں ۔ (کَنْزُ الْعُمَّال، کتاب الموت، باب فی اشیاء قبل الدفن، ج۸، الجزء الخامس عشر، ص۲۹۹، الحدیث :۴۲۸۱۶،چشتی)

حکیم الا مت مفتی احمد یارخان نعیمی رحمۃ اللہ علیہ فرماتے ہیں  : صحیح یہ ہے کہ حضرتِ سیِّدُنا ابو بکر صِدِّیق رضی اللہ عنہما نے آپ کا جنازہ پڑھایا ۔ (مِراٰۃُ المَناجِیْح شَرْح مِشْکٰوۃُ الْمَصَابِیْح،کتاب الفضائل،باب مناقب اھل  بیت النبی، ج۸، ص۴۵۶)

حضرت سیدہ خاتون جنت فاطمة الزہرا رضی اللہ عنہ کے جنازہ میں صحابہ کرام رضی اللہ عنہم کی شمولیت

امام جرح و تعدیل امام ذہبی رحمة اللہ علیہ امام جعفر الصادق رضی اللہ عنہ سے روایت کرتے ہیں کہ”سیدہ فاطمہ رضی اللہ عنہ کا وصال رات کو ہوا تو صدیق اکبر و عمر عثمان اور طلحہ رضی اللہ عنہم سب وہاں پہنچ گئے ۔ (لسان المیزان جلد پنجم صفحہ ۲۴۰ رقم ۸۴۰)

حضر عبداللہ بن عباس رضی اللہ عنہما نماز جنازہ میں چار تکبریں کہنے کے دلائل بیان کرتے ہوئے فرماتے ہیں : رسول اللہ صلی اللہ علیہ و آلہ وسلم نے فرمایا جب آدم علیہ السلام کی وفات ہوئی تو فرشتوں نے ان پر چار تکبریں پڑھی تھیں اور جب ابوبکر صدیق رضی اللہ عنہ نے سیدہ فاطمہ رضی اللہ عنہ کی نماز جنازہ پڑھائی تو چار تکبریں کہیں ۔ (البدایہ والنھایہ جلد اول صفحہ ۹۸،چشتی)

امام ابن جوزی رحمة اللہ علیہ امام شیبانی رحمة اللہ علیہ اور امام ابراہیم انخعی رحمة اللہ علیہ کی سند کے ساتھ بیان کرتے ہیں کہ

“اس پر اتفاق ہے کہ سیدہ فاطمہ رضی اللہ عنہا کا جنازہ صدیق اکبر رضی اللہ عنہ نے پڑھایا ۔ (المنتظم جلد چہارم صفحہ ۹۶)

امام محب طبری رحمة اللہ علیہ نے الریاض النضرۃ جلد دوم صفحہ ۹۶ پر آئمہ اہلبیت رضی اللہ عنہم کی مکمل سند کے ساتھ روایت لکھی کہ : امام مالک رحمة اللہ علیہ نے حضرت جعفر الصادق سے انہوں نے حضرت امام محمد الباقر سے اور انہوں نے امام زین العابدین رضی اللہ عنہم سے روایت کی ہے کہ جب جنازہ کے لیے سیدہ فاطمہ رضی اللہ عنہ کی چار پائی لائی گئی تو حضرت علی رضی اللہ عنہ نے صدیق اکبر رضی اللہ عنہ سے کہا آئیں اور آپ جنازہ پڑھائیں تو سیدنا صدیق اکبر رضی اللہ عنہ نے کہا آپ موجود ھیں آپ پڑھائیں مگر حضرت علی رضی اللہ عنہ نے کہا (واللہ) خدا کی قسم آپ کے سوا کوئی جنازہ نہیں پڑھاے گا ۔

امام مقدسی رحمة اللہ علیہ (ذخیرہ الحفاظ جلد دوم صفحہ ۱۱۷۲ رقم ۲۴۹۳) پر آئمہ اہلبیت رضی اللہ عنہم کی سند کے ساتھ جو ہم نے الریاض النضرۃ کے حوالے سے امام مالک رحمة اللہ علیہ کے واسطہ سے لکھی ہے جنازہ سیدہ فاطمہ رضی اللہ عنہا کو بطور دلیل بناتے ہوے کہتے ہیں کہ حضرت علی رضی اللہ عنہ نے کہا خدا کی قسم میں آگے نہیں آؤں گا آپ رسول اللہ صلی اللہ علیہ و آلہ وسلم کے خلیفہ ہیں (یعنی ابوبکر رضی اللہ عنہ) آپ جنازہ کی امامت کریں۔۔ اور آپ نے چار تکبریں کہیں تھیں ۔

کنزالعمال جلد ۱۲ صفحہ ۲۳۱ رقم ۳۵۶۷۷ پر امام مدینہ امام مالک رحمة اللہ علیہ کہ واسطہ سے روایت ہے کہ امام جعفر الصادق نے امام الباقر رضی اللہ عنہما سے روایت کی کہ : سیدہ فاطمہ رضی اللہ عنہا کا وصال ہو گیا تو ابوبکر وعمر رضی اللہ عنہم وہاں پہنچ گئے ابوبکر رضی اللہ عنہ نے علی رضی اللہ عنہ سے کہا آپ جنازہ پڑھائیں تو سیدنا علی رضی اللہ عنہ نے کہا اللہ کی قسم میں آگے نہیں بڑھوں گا آپ اللہ کے خلیفہ ہیں آپ جنازہ پڑھائیں ۔

اسلامی تاریخ کے نامور مورخ امام ابن سعد الطبقات الکبری جلد ۸ صفحہ ۲۹  پر امام ابراہیم النخعی علیہما الرحمہ سے جنازہ میں چار تکبریں پڑھنے پر بطور دلیل روایت کرتے ہیں کہ : سیدنا صدیق اکبر رضی اللہ عنہ سیدہ فاطمہ رضی اللہ عنہا کی نماز جنازہ پڑھائی اور چار تکبریں کہیں ۔ اسی طرح امام شعبی کا قول لکھتے ہیں کہ سیدنا صدیق اکبر رضی اللہ عنہ نے سیدہ فاطمہ رضی اللہ عنہا کا جنازہ پڑھایا ۔

الطبقات الکبری میں ایک قول جنازہ سیدہ فاطمہ رضی اللہ عنہ کی امامت سیدنا علی رضی اللہ عنہ پر بھی ہے ۔ اسی طرح ابن جوزی رحمة اللہ علیہ نے تلقیح فھوم اھل اثر جلد میں اول صفحہ ۳۱  پر تین قول نقل کیے ھیں جنازہ سیدہ فاطمہ رضی اللہ عنہا کی امامت پر  اول قول : سیدنا علی رضی اللہ عنہ ۔ دوم : سیدنا صدیق اکبر رضی اللہ عنہ ۔ سوم : سیدنا عباس رضی اللہ عنہ ۔ مگر امام ابراہیم انخعی رحمة اللہ علیہ نے ان اختلافات روایات پر جو موقف دیا ہے وہ اُوپر بیان ہو چُکا ہے المنتظم کے حوالے سے اور اسی پر ہمارا اہلسنّت کا اعتماد اور نظریہ ہے ۔

حضرت فاطمہ رضی اللہ عنہا کی نماز جنازہ راجح قول یہ ہے کہ حضرت ابو بکر صدیق رضی اللہ عنہ نے پڑھائی تھی ۔ ( کشف الباری، کتاب المغازی،ج:۸ ؍ ۴۶۳،چشتی)

اب اتنے کثیر دلائل اور ثبوت کے بعد بھی مخالفین یہ کہیں کہ اہلسنت کی کتب سے ثابت ہے کہ صحابہ کرام رضی اللہ عنہم نےخصوصاً سیدنا صدیق اکبر رضی اللہ عنہ نے سیدہ فاطمہ رضی اللہ عنہ کے جنازہ میں شرکت نہیں کی اور نہ شیر خدا سیدنا علی رضی اللہ عنہ نے ان کو اطلاع دی تو ہم یہی کہیں گے کہ دل بہلانے کےلیے خیال اچھا ہے ۔ اور پھر بردران اہلسنّت یہ بھی تاریخی ثبوت ہے ۔ شیعہ سُنی تاریخ میں کہ سیدہ فاطمہ رضی اللہ عنہ کو غُسل زوجہ صدیق اکبر حضرتِ اسماء بنت عمیس رضی اللہ عنہ نے دیا ۔ اب یہ کیسا مزاق ہے شیعہ کی طرف سے کہ زوجہ صدیق تو غسل میں شامل ہوں اور یہی زوجہ اسماء بنت عمیس رضی اللہ عنہ اپنے سرتاج سیدنا صدیق اکبر رضی اللہ عنہ کو وفات فاطمہ رضی اللہ عنہا کی خبر بھی نہ دیں ۔

محترم قارئینِ کرام : مذکورہ بالا روایات کے بعد یہ بات پایہ ثبوت تک پہنچ گئی ہے کہ حضرت فاطمۃ الزھراء رضی اللہ عنہا کا جنازہ خلیفہ وقت خلیفۃ المسلمین خلیفۃالرسول جانشین سرور عالم صلی اللہ علیہ و آلہ وسلّم امام المسلمین والمومنین حضرت ابوبکر صدیق اکبر رضی اللہ عنہ نے خود پڑھائی اور خود جناب حیدر کرار شیر خدا حضرت مولا علی مشکل کشاء رضی اللہ عنہ نے آپ کو مصلٰی امامت پر کھڑا کیا اور خود ان کی اقتداء میں نماز جنازہ ادا کی ۔ اس نماز جنازہ سے فقہ کے اس مسئلہ کی طرف بھی راہنمائی ملتی ہے کہ امامت کا سب سے زیادہ حقدار حاکم وقت ہے اگر وہ حاضر نہ ہو تو قاضی اور وہ بھی حاضر نہ ہو تو محلے کا امام امامت کرانے کا زیادہ حقدار ہے یہاں جن روایات میں حضرت علی و عباس رضی اللہ عنہما کی روایات میں حضرت صدیق اکبر رضی اللہ عنہ کو بھی شامل کیا گیا ہے اس کی تطبیق یہ ہے کہ کہ حاکم وقت کی موجودگی میں باقی افراد امامت کے اہل نہیں اور اسوقت کیونکہ صدیق اکبر رضی اللہ عنہ موجود تھے اس لئیے صدیق اکبر رضی اللہ عنہ والی روایات کو ترجیح دی جائے گی ۔ (رضوان اللہ علیہم اجمعین)

اور رہا یہ مسئلہ کہ حضرت فاطمہ رضی اللہ عنہا ناراض تھیں یا حضرت علی رضی اللہ عنہ آپ کی خلافت کے حق میں نہیں تھے یا آپ رضی اللہ عنہ مجبور تھے یہ ساری باتیں ان روایات سے باطل ہو جاتی ہیں کہ نماز جنازہ کے سلسلے میں تو آپ رضی اللہ عنہ مجبور نہیں تھے بلکہ حضرت ابوبکر رضی اللہ عنہ نے حضرت علی رضی اللہ عنہ کو اپنے اوپر ترجیح دی اسوقت ان کو اختیار تھا کہ آپ چاہتے تو خود امامت کرا سکتے تھے لیکن انہوں نے حضرت صدیق اکبر رضی اللہ عنہ کو اپنے اوپر ترجیح دی اور یہ کہ ان کی اقتداء میں نماز جنازہ پڑھ کر ان تمام خدشات اور نظریات اور اقوال کو باطل کردیا کہ آپ رضی اللہ عنہ ان کو خلیفہ برحق نہیں مانتے تھے آپ مجبورا ان کی خلافت کو مانتے تھے یا حضرت فاطمہ رضی اللہ عنہا حضرت صدیق اکبر رضی اللہ عنہ سے معاذ اللہ ناراض تھیں اور انہوں نے حضرت علی رضی اللہ عنہ کو حضرت صدیق اکبر رضی اللہ عنہ کو اطلاع نہ کرنے کا کہا تھا اوقر حضرت علی رضی اللہ عنہ نے آپ رضی اللہ عنہا کو رات کو دفن کر دیا یہ ساری باتیں لوگوں کی خرافات ہیں اور یہ باتیں ان لوگوں کے درمیان اختلافات کو ظاہر کر کے اپنے گھٹیا مقاصد حاصل کرنے اور لوگوں کے جذبات بھڑکا کر اپنا الو سیدھا کرنے کی کوشش کرتے ہیں اللہ تعالیٰ ان روایات کی روشنی میں خلفائے راشدین اور اہلبیت اطہار رضی اللہ عنہم سے محبت کرنے اور اپنا عقیدہ اہلسنت و جماعت کے مروجہ قواعد و ضوابط اور نظریات کے مطابق رکھنے کی توفیق عطاء فرمائے آمین ۔ (طالبِ دعا و دعا گو ڈاکٹر فیض احمد چشتی)