اہلبیت کا محب نبی ﷺ کا محب اور دشمن نبی ﷺ کا دشمن ہے

اہلبیت کا محب نبی ﷺ کا محب اور دشمن نبی ﷺ کا دشمن ہے
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
حضرت زید بن ارقم رضی اللہ عنہ سے مروی ہے کہ حضور نبی اکرم صلی اللہ علیہ وآلہ وسلم نے حضرت علی، حضرت فاطمہ، حضرت حسن اور حضرت حسین سلام اﷲ علیہم سے فرمایا : جس سے تم لڑو گے میری بھی اس سے لڑائی ہو گی، اور جس سے تم صلح کرو گے میری بھی اس سے صلح ہو گی۔‘‘ اس حدیث کو امام ترمذی اور امام ابن ماجہ نے روایت کیا ہے۔

ایک اور روایت میں حضرت ابوہریرہ رضی اللہ عنہ سے مروی ہے کہ حضور نبی اکرم صلی اللہ علیہ وآلہ وسلم نے حضرت علی، حضرت فاطمہ، حضرت حسن اور حضرت حسین علیہم السلام کی طرف دیکھا اور فرمایا : جو تم سے لڑے گا میں اس سے لڑوں گا، جو تم سے صلح کرے گا میں اس سے صلح کروں گا (یعنی جو تمہارا دشمن ہے وہ میرا دشمن ہے اور جو تمہارا دوست ہے وہ میرا بھی دوست ہے)۔‘‘ اس حدیث کو امام احمد بن حنبل نے روایت کیا ہے۔

أخرجه الترمذي في السنن، کتاب : المناقب، باب : فضل فاطمة بنت محمد، 5 / 699، الرقم : 3870، و ابن ماجة في السنن، المقدمة، باب : في فضل الحسن والحسين، 1 / 52، الرقم : 145، و ابن حبان في الصحيح، 15 / 434، الرقم : 6977، و أبن أبي شيبة في المصنف، 6 / 378، الرقم : 32181، والحاکم في المستدرک، 3 / 161، الرقم : 4714، أحمد بن حنبل في المسند، 2 / 442.