فضائل صحابہ کرام رضی اللہ عنہم احادیث کی روشنی میں 10

فضائل صحابہ کرام رضی اللہ عنہم احادیث کی روشنی میں 10
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
حضرت سہل بن سعد رضی اللہ عنہ سے روایت ہے کہ حضورنبی اکرم صلی اللہ علیہ وآلہ وسلم نے فرمایا : اے میرے اﷲ! میرے صحابہ کو بخش دے اور اسے بھی بخش دے جس نے ان کو دیکھا جنہوں نے مجھے دیکھا. راوی کہتے ہیں میں نے کہا : حضورنبی اکرم صلی اللہ علیہ وآلہ وسلم کے اس فرمان ’’ولمن رأٰی‘‘ (اور جس نے دیکھا) سے کیا مراد ہے؟ تو انہوں نے جواب دیا : اس سے مراد وہ لوگ ہیں جنہوں نے ان لوگوں کو دیکھا جنہوں نے انہیں (یعنی صحابہ کو) دیکھا.
اس حدیث کو امام طبرانی، ابن حبان اور امام ابو نعیم نے روایت کیا ہے۔ امام ہیثمی نے فرمایا : اس کے رجال صحیح حدیث کے رجال ہیں. اور متقی ہندی نے بھی کہا : اس کے رجال ثقات ہیں.

أخرجه الطبراني في المعجم الکبير، 6 / 166، الرقم : 5874، وابن حبان في الثقات، 7 / 135، الرقم : 9345، وأبو نعيم في حلية الأوليائ، 3 / 254، والدولابي في الکنی والأسمائ، 3 / 1194، الرقم : 2098، والهيثمي في مجمع الزوائد، 10 / 20، والهندي في کنز العمال، 11 /  243، الرقم : 32490.