غیر مسلم شعراء کا امام حسین رضی اللہ تعالیٰ عنہ کی بارگاہ میں نذرانہ عقیدت

غیر مسلم شعراء کا امام حسین رضی اللہ تعالیٰ عنہ کی بارگاہ میں نذرانہ عقیدت : ۔ مختلف جگہ سے ان اشعار کو چن کر پیش کرنے کا مقصد آج کے کلمہ گو یزید کی حواریوں کو آئینہ دیکھانا مقصود ھے کہ ظالمو سوچو تم سے تو یہ غیر مسلم اچھے ھیں جو یزید ظالم سمجھتے ھیں اور امام عالی مقام کو حق کی علامت ذرا سوچو ؟؟؟
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
 ’’قرآن اور حسینؑ
٭٭٭٭٭٭٭٭٭٭٭٭٭٭٭
قرآن اور حسینؑ برابر ہیں شان میں
دونوں کا رتبہ ایک ہے دونوں جہان میں

کیا وصف ان کا ہو کہ ہے لکنت زبان میں
پیہم صدا یہ غیب سے آتی ہے کان میں

قرآں کلام پاک ہے، شبیر ؑ نور ہے
دونوں جہاں میں دونوں کا یکساں ظہور ہے

ہندو شاعر دلو رام کوثری
----------------------------------------------------
نکلیں جو غمِ شہ میں وہ آنسو اچھے
برہم ہوں، جو اس غم میں، وہ آنسو اچھے

رکھتے ہیں جو حسینؑ سے کاوش پنڈت
ایسے تو مسلمانوں سے ہندو اچھے

پنڈت ایسری پرشاد پنڈت دہلوی
---------------------------------------------------
ہے حق و صداقت مرا مسلک ساحر
ہندو بھی ہوں، شبیرؑ کا شیدائی بھی

ہندو شاعر رام پرکاش ساحر
-----------------------------------------------------
وہ دل ہو خاک، نہ ہو جس میں اہل بیت کا غم
وہ پھوٹے آنکھ جو روئی نہ ہو محرم میں

بہادر بابو اتاردین
----------------------------------------------------
انسانیت حسینؑ تیرے دم کے ساتھ ہے
ماتھر بھی اے حسینؑ تیرے غم کے ساتھ ہے

ہندو شاعر منشی دیشو پرشاد ماتھر لکھنوی
----------------------------------------------------
ہندو ہوں، قاتل شبیر نہیں
٭٭٭٭٭٭٭٭٭٭٭٭٭٭٭٭٭٭٭٭٭
بے دین ہوں، بے پیر ہوں
ہندو ہوں، قاتل شبیر نہیں

حسینؑ اگر بھارت میں اتارا جاتا
یوں چاند محمد کا، نہ دھوکے میں مارا جاتا

نہ بازو قلم ہوتے، نہ پانی بند ہوتا
گنگا کے کنارے غازی کا علم ہوتا

ہم پوجا کرتے اس کی صبح و شام
ہندو بھاشا میں وہ بھگوان پکارا جاتا

روپ کماری
--------------------------------------------------
یہ معجزہ بھی پیاس جہاں کو دکھا گئی
آنکھوں میں آنسوؤں کی سبیلیں لگا گئی

کرب و بلا میں دیکھیئے شبیر ؑ کی ’’نہیں"
ہر دور کے یزید کو جڑ سے مٹا گئی

سورج سنگھ سورج
--------------------------------------------------
حسینؑ تو نے راہِ حق میں جان دے دی
یہ وہ عمل ہے جو عالی وقار کرتے ہیں

کبھی نصیب ہو ہم کو بھی کربلا کی خاک
یہ وہ دعا ہے جسے بار بار کرتے ہیں

ہر چرن سنگھ مہر
---------------------------------------------------
اف رے آلِ مصطفٰی پر یہ ستم
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
جنگ کے میداں کو جب سرور چلے
ہر طرف بھالے، گڑے، خنجر چلے

دھوپ کے صحرا کا منظر الاماں
اوڑھ کر تطہیر کی چادر چلے

اف رے آلِ مصطفٰی پر یہ ستم
بیڑیوں میں پھول سا عابدؑ چلے

سن کے سیتل کربلا کا سانحہ
سینکڑوں خنجر میرے دل پر چلے

سردار ترلوک سنگھ سیتل
----------------------------------------
متاعِ زیست کو اس پر نثار کرتے ہیں
نہ ہم سے پوچھیئے کس غم سے پیار کرتے ہیں

رواں ہے شام و سحر چشمِ درد سے ساگر
غمِ حسینؑ سے ہم بھی تو پیار کرتے ہیں

ڈاکٹر امر جیت ساگر
--------------------------------------------------------
وہ یاد آتے ہی ہو جاتی ہیں آنکھیں اشکبار اب بھی
زمیں ہے مضمحل اب بھی، فضا ہے لالہ زار اب بھی

سردار جسونت سنگھ راز چونتروی
----------------------------------------------------------
لیا خیال کا جب تیرے آسرا میں نے
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
لیا خیال کا جب تیرے آسرا میں نے
ہوا یقیں کہ منزل کو پا لیا میں نے

خدا کرے کہ مجھے خواب میں حسینؑ ملیں
تمام رات اندھیروں میں کی دعا میں نے

چرن سنگھ چرن
--------------------------------------------------------
سارے عالم میں بھلا تیری سی قربانی کہاں ؟
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
ظالموں کے اتنے جھانسوں میں بھی تو آیا نہیں
دیکھ کر طاقت کو تیرا دل بھی گھبرایا نہیں

دولتِ دنیا کے آگے صبر جھک پایا نہیں
زندگی ٹھکرائی تو نے عزم ٹھکرایا نہیں

دوسروں میں ایسی جرات کی فراوانی کہاں ؟
سارے عالم میں بھلا تیری سی قربانی کہاں ؟

امر سنگھ جوش
----------------------------------------------------------
اک حسین ؑ کا غم ہے جب سے مہرباں اپنا پرتپال سنگھ
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
اور غم زمانے کے دور دور رہتے ہیں
اک حسین ؑ کا غم ہے جب سے مہرباں اپنا
بے تاب کا ایک اور شعر ملاحظہ ہو
جو شہیدوں نے لہو سینچا نہ ہوتا بے تاب
یہ جو اسلام کا گلشن ہے بیاباں ہوتا

شاعر پرتپال سنگھ بیتاب
----------------------------------------------------------------
سب کا حسینؑ، سارا زمانہ حسینؑ کا
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
لکھا ہے آسماں پہ فسانہ حسین ؑ کا
سب کا حسینؑ، سارا زمانہ حسینؑ کا
کوئی امام کوئی پیمبر کوئی ولی
کتنا ہے سربلند گھرانہ حسینؑ کا
ہوگی کوئی تو بات کہ صدیوں کے بعد بھی
جس دل کو دیکھئے، ہے دیوانہ حسین ؑ کا
میں حر ہوں چاہیے مجھے تھوڑی سے نقشِ پا
کوئی مجھے بتا دے ٹھکانہ حسینؑ کا
آزادی خیال کی تحریک ہی تو ہے
عاشور کو چراغ بجھانا حسین ؑ کا
مظلومیت کے وار سے ظالم نہ بچ سکا
آخر ہدف پہ بیٹھا نشانہ حسین ؑ کا
اب بھی زبانیں خشک ہیں پہرے فرات پر
دہرا رہا ہے خود کو زمانہ حسین ؑ کا
کب سے چکا رہا ہوں قصیدوں میں اے خمار
مجھ پر ہے کوئی قرض پرانا حسین ؑ کا

پروفیسر ستنام سنگھ خمار کے اشعار
---------------------------------------------------