حضرت امیر معاویہ رضی اللہ عنہ صحابی رسول ، فقیہ اور امیر المومنین ہیں صحیح بخاری شریف

حضرت امیر معاویہ رضی اللہ عنہ صحابی رسول ، فقیہ اور امیر المومنین ہیں صحیح بخاری شریف

حدثنا الحسن بن بشر،‏‏‏‏ ‏‏‏‏ حدثنا المعافى،‏‏‏‏ ‏‏‏‏ عن عثمان بن الأسود،‏‏‏‏ ‏‏‏‏ عن ابن أبي مليكة،‏‏‏‏ ‏‏‏‏ قال أوتر معاوية بعد العشاء بركعة وعنده مولى لابن عباس،‏‏‏‏ ‏‏‏‏ فأتى ابن عباس فقال دعه،‏‏‏‏ ‏‏‏‏ فإنه صحب رسول الله صلى الله عليه وسلم‏. ۔

ترجمہ : کہا ہم سے حسن بن بشیر نے بیان کیا ، ان سے عثمان بن اسود نے اور ان سے ابن ابی ملیکہ نے بیان کیا کہ حضرت معاویہ رضی اللہ عنہ نے عشاء کے بعد وتر کی نماز صرف ایک رکعت پڑھی ، وہیں حضرت ابن عباس رضی اللہ عنہما کے مولیٰ (کریب) بھی موجود تھے، جب وہ حضرت ابن عباس رضی اللہ عنہما کی خدمت میں حاضر ہوئے تو (حضرت امیر معاویہ رضی اللہ عنہ کی ایک رکعت وتر کا ذکر کیا) اس پر انہوں نے کہا : کوئی حرج نہیں ہے، انہوں نے رسول اللہ صلی اللہ علیہ و آلہ وسلّم کی صحبت اٹھائی ہے ۔ (صحیح بخاری کتاب فضائل اصحاب النبی​ حدیث نمبر: 3764)

حدثنا ابن أبي مريم،‏‏‏‏ ‏‏‏‏ حدثنا نافع بن عمر،‏‏‏‏ ‏‏‏‏ حدثني ابن أبي مليكة،‏‏‏‏ ‏‏‏‏ قيل لابن عباس هل لك في أمير المؤمنين معاوية،‏‏‏‏ ‏‏‏‏ فإنه ما أوتر إلا بواحدة‏.‏ قال إنه فقيه‏ ۔

ترجمہ : ہم سے ابن ابی مریم نے بیان کیا، کہا ہم سے نافع بن عمر نے بیان کیا، کہا مجھ سے ابن ابی ملیکہ نے بیان کیا کہ حضرت عبد اللہ بن عباس رضی اللہ عنہما سے کہا گیا کہ امیرالمؤمنین حضرت معاویہ رضی اللہ عنہ کے متعلق آپ کیا فرماتے ہیں، انہوں نے وتر کی نماز صرف ایک رکعت پڑھی ہے ؟ انہوں نے کہا کہ وہ خود فقیہ ہیں ۔ (صحیح بخاری کتاب فضائل اصحاب النبی​ حدیث نمبر: 3765،چشتی)

حدثني عمرو بن عباس،‏‏‏‏ ‏‏‏‏ حدثنا محمد بن جعفر،‏‏‏‏ ‏‏‏‏ حدثنا شعبة،‏‏‏‏ ‏‏‏‏ عن أبي التياح،‏‏‏‏ ‏‏‏‏ قال سمعت حمران بن أبان،‏‏‏‏ ‏‏‏‏ عن معاوية ـ رضى الله عنه ـ قال إنكم لتصلون صلاة لقد صحبنا النبي صلى الله عليه وسلم فما رأيناه يصليها،‏‏‏‏ ‏‏‏‏ ولقد نهى عنهما،‏‏‏‏ ‏‏‏‏ يعني الركعتين بعد العصر‏ ۔

ترجمہ : مجھ سے عمرو بن عباس نے بیان کیا، کہا ہم سے محمد بن جعفر نے بیان کیا، کہا ہم سے شعبہ نے بیان کیا، ان سے ابوالتیاح نے بیان کیا ، انہوں نے حمران بن ابان سے سنا کہ معاویہ رضی اللہ عنہ نے کہا تم لوگ ایک خاص نماز پڑھتے ہو ، ہم لوگ نبی کریم صلی اللہ علیہ و آلہ وسلّم کی صحبت میں رہے اور ہم نے کبھی آپ صلی اللہ علیہ و آلہ وسلّم کو اس وقت نماز پڑھتے نہیں دیکھا ، بلکہ آپ صلی اللہ علیہ و آلہ وسلّم نے تو اس سے منع فرمایا تھا ، حضرت معاویہ رضی اللہ عنہ کی مراد عصر کے بعد دو رکعت نماز سے تھی ۔ (جسے اس زمانے میں بعض لوگ پڑھتے تھے) ۔ (صحیح بخاری کتاب فضائل اصحاب النبی​ حدیث نمبر: 3766)۔(طالبِ دعا و دعا گو ڈاکٹر فیض احمد چشتی)