فضائل شب قدر احادیث مبارکہ کی روشنی میں پوسٹ نمبر 4

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
امام مالک رضی اللہ عنہ سے روایت ہے کہ انہوں نے ثقہ (یعنی قابل اعتماد) اہلِ علم کو یہ کہتے ہوئے سنا : رسول اﷲ صلی اللہ علیہ وآلہ وسلم کو سابقہ امتوں کی عمریں دکھائی گئیں یا اس بارے میں جو اﷲ تعالیٰ نے چاہا دکھایا۔ تو گویا آپ صلی اللہ علیہ وآلہ وسلم نے (سابقہ امتوں کے مقابلے میں) اپنی امت کی کم عمروں کا خیال کرتے ہوئے سوچا کہ کیا میری امت اس قدر نیک اعمال کر سکے گی جس قدر دوسری امتوں کے لوگوں نے طوالتِ عمر کے باعث کئے۔ تو اﷲ تعالیٰ نے آپ صلی اللہ علیہ وآلہ وسلم کو شبِ قدر عطا فرما دی جو ہزار مہینوں سے بھی افضل ہے۔‘‘ اس حدیث کو امام مالک اور بیہقی نے روایت کیا ہے۔
--------------------------------------------------------------------------
أخرجه مالک في الموطأ، کتاب الاعتکاف، باب ما جاء في ليلة القدر، 1 / 321، الرقم : 698، والبيهقي في شعب الإيمان، 3 / 323، الرقم : 3667، وذکره المنذري في الترغيب والترهيب، 2 / 65، الرقم : 1508.