فضائل شب قدر احادیث مبارکہ کی روشنی میں پوسٹ نمبر 17

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
حضرت عیینہ بن عبد الرحمن رضی اللہ عنہ سے روایت ہے کہ انہیں اُن کے والد گرامی (حضرت عبد الرحمن بن جوشن رضی اللہ عنہ ) نے بیان کیا : حضرت ابوبکرہ رضی اللہ عنہ کے پاس لیلۃ القدر کا ذکر کیا گیا تو انہوں نے فرمایا : میں اسے رمضان کے آخری عشرہ کے سوا کہیں تلاش نہیں کرتا کیونکہ میں نے حضور نبی اکرم صلی اللہ علیہ وآلہ وسلم سے سنا ہے۔ (آپ صلی اللہ علیہ وآلہ وسلم نے فرمایا : ) آگاہ رہو! شبِ قدر رمضان المبارک کے آخری عشرہ میں ہے۔ نیز میں نے آپ صلی اللہ علیہ وآلہ وسلم کو یہ فرماتے ہوئے سنا : لیلۃ القدر کو تلاش کرو، جب (رمضان کی) نو یا سات یا پانچ یا آخری تین راتیں باقی رہ جائیں۔‘‘

’’عبدالرحمن کہتے ہیں : ابوبکرہ رضی اللہ عنہ رمضان کے پہلے بیس دنوں میں عام دنوں کی طرح نماز پڑھتے، جب آخری دس دن شروع ہوتے تو عبادت میں خوب مجاہدہ فرماتے۔
--------------------------------------------------------------------------
أخرجه أحمد بن حنبل في المسند، 5 / 40، الرقم : 20433، والترمذي في السنن، باب ما جاء في ليلة القدر، 3 / 160، الرقم : 794، والنسائي في السنن الکبریٰ، کتاب الاعتکاف، باب التماس ليلة القدر لآخر ليلة، 2 / 273، الرقم : 3404.