فضائل شب قدر احادیث مبارکہ کی روشنی میں پوسٹ نمبر 13

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
حضرت عبد اللہ بن انیس رضی اللہ عنہ بیان کرتے ہیں کہ حضور نبی اکرم صلی اللہ علیہ وآلہ وسلم نے فرمایا : مجھے شبِ قدر دکھائی گئی، پھر بھلا دی گئی، پھر میں نے خواب دیکھا کہ میں شبِ قدر کی صبح کو پانی اور مٹی میں سجدہ کر رہا ہوں۔ حضرت ابن انیس رضی اللہ عنہ کہتے ہیں : تئیسویں شب بارش ہوئی اور حضور نبی اکرم صلی اللہ علیہ وآلہ وسلم نے ہمیں نماز پڑھائی۔ جب آپ صلی اللہ علیہ وآلہ وسلم نماز پڑھا کر فارغ ہوئے تو آپ صلی اللہ علیہ وآلہ وسلم کی مقدس پیشانی اور ناک مبارک پر پانی اور مٹی کے نشان تھے۔ راوی کا بیان ہے کہ حضرت عبد اللہ بن انیس رضی اللہ عنہ تئیسویں شب کو شبِ قدر قرار دیتے تھے۔‘‘ اس حدیث کو امام مسلم اور احمد نے روایت کیا ہے۔
--------------------------------------------------------------------------
أخرجه مسلم في الصحيح ، کتاب الصيام، باب فضل ليلة القدر والحث علی طلبها وبيان محلها وأرجی أوقات طلبها، 2 / 827، الرقم : 1168، وأحمد بن حنبل في المسند، 3 / 495، الرقم : 16088.