فضائل شب قدر احادیث مبارکہ کی روشنی میں پوسٹ نمبر 3

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
حضرت عائشہ صدیقہ رضی اللہ عنہا سے مروی ہے کہ رسول اﷲ صلی اللہ علیہ وآلہ وسلم رات کو نماز پڑھنے کے لیے باہر نکلے، اس کے بعد آپ صلی اللہ علیہ وآلہ وسلم نے مسجد میں نماز پڑھائی اور حدیث شریف بیان فرمائی حتیٰ کہ حضرت عائشہ صدیقہ رضی اللہ عنہا نے فرمایا : آپ صلی اللہ علیہ وآلہ وسلم رمضان المبارک کی راتوں کو (تراویح کے لیے) قیام کرنے کی ترغیب دیتے مگر تاکید سے حکم ارشاد نہ فرماتے تھے اور آپ ارشاد فرماتے : جو شخص شبِ قدر میں ایمان کے ساتھ ثواب حاصل کرنے کی غرض سے کھڑا ہو اس کے سابقہ گناہ بخش دیے جائیں گے۔ بعد ازاں حضور نبی اکرم صلی اللہ علیہ وآلہ وسلم نے وصال فرمایا اور آپ کا حکم جوں کا توں برقرار رہا۔‘‘ اس حدیث کو امام نسائی اور ابن حبان نے روایت کیا ہے۔
--------------------------------------------------------------------------
أخرجه النسائي في السنن، کتاب الصيام، باب من قام رمضان وصامه إيمانا واحتسابا، 4 / 155، الرقم : 2193، وابن حبان فی الصحيح، 6 / 284، الرقم : 2543، وإسحاق بن راهويه فی المسند، 2 / 304، الرقم : 837.