فضائل اعتکاف احادیث مبارکہ کی روشنی میں پوسٹ نمبر 10

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
حافظ ابن حجر عسقلانی (اپنی شرح میں) نقل کرتے ہیں کہ راوی کا یہ کہنا کہ جب وہ سال آیا جس میں آپ صلی اللہ علیہ وآلہ وسلم کا وصال مبارک ہوا تو آپ صلی اللہ علیہ وآلہ وسلم نے بیس دن کا اعتکاف کیا۔ کہا گیا ہے کہ اس کی وجہ یہ ہے کہ آپ صلی اللہ علیہ وآلہ وسلم اپنی حیاتِ مبارکہ پوری ہونے سے باخبر ہوگئے تھے، پس آپ صلی اللہ علیہ وآلہ وسلم نے زیادہ سے زیادہ نیک اعمال ادا کرنے کا ارادہ فرمایا تاکہ امت کے لئے نیک اعمال میں محنت کو واضح فرما سکیں تاکہ وہ نہایت اعلی اعمال تک پہنچیں اور اللہ تعالیٰ سے اپنے بہترین احوال کے ساتھ ملاقات کریں۔‘‘
--------------------------------------------------------------------------
العسقلاني في فتح الباري، 4 / 285