ایصال ثواب آئمہ کرام علیہم الرّمہ کے اقوال کی روشنی میں ( 2 )

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
امام سعد الدین تفتازانی رحمۃ اللہ علیہ فرماتے ہیں : ’’(جو لوگ اس دنیا سے رخصت ہو چکے ہیں) اُن کے لیے زندہ لوگوں کی دعائیںاور زندوں کا ان (مُردوں) کے لئے صدقہ کرنا انہیں نفع دیتا ہے۔
ذکره سعد الدين التفتازاني في شرح لشرح العقائد المسمی بالنبراس مع التعليقات القسطاس / 579.
ٓٓٓٓٓٓٓٓٓ=========================================
قَالَ ابْنُ أَبِي الْعِزِّ الدِّمَشْقِيُّ (م792ه) فِي شَرْحِ الْعَقِيْدَةِ الطَّحَاوِيَةِ : .
’اہلِ سنت اس بات پر متفق ہیں کہ مردہ لوگ زندوں کی طرف سے کیے گئے عمل سے دو اُمور میںنفع حاصل کرتے ہیں : ان دو میں سے ایک یہ کہ میت نے اپنی حیات میں کوئی عمل کیا ہو (جیسے صدقہ وغیرہ). اور دوسرا مسلمانوں کا ان کے لیے دعا و استغفار کرنا، صدقہ و خیرات کرنا اور حج کرنا. اور حج کے بارے میں اختلاف ہے کہ اس کا ثواب میت کو پہنچتا ہے یا نہیں؟ پس محمد بن حسن الشیبانی بیان کرتے ہیں کہ بے شک میت تک صدقہ کا ثواب پہنچتا ہے، اور حج کا ثواب حج کرنے والے کے لیے ہے۔ عام علماء کا موقف ہے کہ حج کا ثواب محجوج عنہ (جس کی طرف سے حج کیا گیا) کے لیے ہے، اور یہی صحیح موقف ہے، اور بدنی عبادات، جیسے : روزہ، نماز، تلاوتِ قرآن اور ذکر کے بارے میں اختلاف ہے۔ پس امام ابو حنیفہ رحمۃ اللہ علیہ اور امام احمد رحمۃ اللہ علیہ اور جمہور سلف کا موقف ہے کہ ان کا ثواب پہنچتا ہے۔ امام شافعی رحمۃ اللہ علیہ اور امام مالک رحمۃ اللہ علیہ کا مشہور مذہب عدمِ وصول کا ہے۔ اہل کلام میں سے بعض اہل بدعات اِس طرف گئے ہیں کہ کسی بھی چیز کا ثواب مطلقًا نہیں پہنچتا، نہ دعا اور نہ ہی غیر دعا. اور اُن کا یہ قول کتاب و سنت کی روشنی میں مردود (ناقابل قبول) ہے۔
ذکره ابن أبي العز الدمشقي في شرح العقيدة الطحاوية / 345- 346.