تصرف و کرامات کا ثبوت احادث مبارکہ کی روشنی میں ( 2 )

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
’حضرت عبدالرحمن بن ابو بکر رضی اﷲ عنھما سے ایک طویل واقعہ میں مروی ہے کہ ایک مرتبہ حضرت ابو بکر صدیق رضی اللہ عنہ نے صحابہ کرام (اصحاب صفہ) کی دعوت کی، (اور ان کے ساتھ) آپ نے خود بھی کھانا کھایا اور دوسروں نے بھی۔ ہر لقمہ اٹھانے کے بعد کھانا پہلے سے بھی زیادہ بڑھ جاتا۔ سیدنا صدیق اکبر رضی اللہ عنہ نے (اپنی بیوی سے جو بنی فراس کے قبیلہ سے تھیں) فرمایا : اے ہمشیرہ بنی فراس! یہ کیا معاملہ ہے؟ انہوں نے عرض کیا : اے میری آنکھوں کی ٹھنڈک (میرے سرتاج) اس وقت تو یہ کھانا پہلے سے تین گناہ زیادہ ہے چنانچہ ان سب صحابہ نے بھی خوب کھایا اور حضور نبی اکرم صلی اللہ علیہ وآلہ وسلم کی خدمت اقدس میں بھی روانہ کیا جسے حضور نبی اکرم صلی اللہ علیہ وآلہ وسلم نے بھی تناول فرمایا۔
=========================================
الحديث رقم 29 : أخرجه البخاري في الصحيح، کتاب : مواقيت الصلاة، باب : السَّّمَرِ مَعَ الضَّيفِ وَالأهلِ، 1 / 216، الرقم : 577، وفي کتاب : المناقب، باب : علامات النبوة في الإسلام، 3 / 1312، الرقم : 3388، وفي کتاب : الأدب، باب : مايُکره من الغضب والجزع عند الضيف، 5 / 2274، الرقم : 5789، وفي کتاب : الأدب، باب : قول الضيف لصاحبه : لاَ آکُلُ حَتَّي تَاکُلَ، 5 / 2274، الرقم : 5790، ومسلم في الصحيح، کتاب : الأشربة، باب : إکرام الضيف وفضل إيثاره، 3 / 1627، الرقم : 2057، والبزار في المسند، 6 / 228، الرقم : 2263، وأحمد بن حنبل في المسند، 1 / 197، الرقم : 1702، 1712.