تصرف و کرامات کا ثبوت احادث مبارکہ کی روشنی میں ( 25 )

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
حضرت عبد اﷲ بن عباس رضی اﷲ عنہما روایت فرماتے ہیں کہ حضور نبی اکرم صلی اللہ علیہ وآلہ وسلم کے کسی صحابی نے ایک قبر پر خیمہ لگایا۔ انہیں معلوم نہ تھا کہ یہ قبر ہے، اچانک پتہ چلا کہ یہ قبر ہے اور اس کے اندر کوئی آدمی سورۃ الملک پڑھ رہا ہے۔ یہاں تک (اس صحابی نے سنا کہ) اس پڑھنے والے نے (قبر کے اندر) مکمل سورت الملک پڑھی۔ (یہ سن کر) وہ صحابی حضور نبی اکرم صلی اللہ علیہ وآلہ وسلم کی خدمت میں حاضرہوئے اور عرض کیا : یارسول اﷲ! میں نے (نادانستہ) ایک قبر پر خیمہ لگایا اور مجھے یہ خیال نہیں تھا کہ یہ قبر ہے، اچانک سنا کہ ایک آدمی قبر میں سورۃ الملک پڑھ رہا ہے یہاں تک کہ (میں نے سنا) اس نے مکمل سورۃ الملک پڑھی۔ حضور نبی اکرم صلی اللہ علیہ وآلہ وسلم نے فرمایا : یہ (سورۃ الملک عذابِ قبر کو) روکنے والی ہے اور عذابِ قبر سے نجات دینے والی ہے۔
=========================================
الحديث رقم 56 : أخرجه الترمذي في السنن، کتاب : فضائل القرآن عن رسول اﷲ صلي الله عليه وآله وسلم، باب : ما جاء في فضل سورة الملک، 5 / 164، الرقم : 2890، والبيهقي في شعب الإيمان، 2 / 495، الرقم : 2510، والخطيب التبريزي في مشکاة المصابيح، 1 / 405، الرقم : 2153، والمنذري في الترغيب الترهيب، 2 / 247، الرقم : 2266، وابن کثير في تفسير القرآن العظيم، 4 / 396، والقرطبي في الجامع لأحکام القرآن، 18 / 205.